შემწვარი ღვეზელის მოყვარული არ ვარ. ღუმელში მისი მომზადება უფრო მარტივია და ცხიმისგან ქურის გაწმენდაც არ გიწევს. გემოც ყოველთვის უკეთესია, მაგრამ საფუარის ცომით მომზადებულმა კომბოსტოს ღვეზელმა აზრი შემაცვლევინა. ცომეული ფაფუკი გამოდის და ცომიც სწრაფად მზადდება.
შემწვარი კომბოსტოს ღვეზელი მოხარშული ცომით
ახლა ცომის ამოსვლის ლოდინი საჭირო არაა. უბრალოდ ინგრედიენტები აურიეთ, ღვეზელი გააკეთეთ და ტაფაზე შეწვით. ცომის მომზადებას მისი მოხარშვა აჩქარებს. ცხელ წყალზე მოზელილი ცომი სწრაფად იზრდება. ასეთი ცომით ღვეზელი კარგად იძერწება. ელასტიურობა საშუალებას გაძლევთ, რომ ღვეზელში მეტი ბოსტნეული ჩადოთ.
ინგრედიენტები:
- 550-650 გ ხორბლის ფქვილი
- 400 მლ წყალი
- 12 გ მშრალი საფუარი
- 1-1,5 ჩ/კ მარილი
- 1 ს/კ შაქარი
- 2-3 ს/კ მზესუმზირას ზეთი
- 4 კვერცხი
- 1 თეთრი კომბოსტო
- მწვანილი გემოვნებით
- დაფქული შავი წიწაკა გემოვნებით
მომზადების წესი:
1. 200 მლ წყალი ოდნავ შეათბეთ, საფუარი, 0,5 ჩ/კ მარილი და შაქარი დაუმატეთ. კრისტალების გახსნამდე აურიეთ.
2. დიდ თასში 500 გ გაცრილი ფქვილი ჩაყარეთ, საფუარის ნარევი, მზესუმზირას ზეთი და 200 მლ ცხელი წყალი ჩაასხით. ელასტიური ცომი მოზილეთ, აუცილებლობის მიხედვით ფქვილი დაუმატეთ. პირსახოცი დააფარეთ და 10-15 წუთით გააჩერეთ, სანამ შიგთავსს აკეთებთ.
3. კომბოსტო წვრილად დაჭერით. მწვანილი (მწვანე ხახვი, კამა) დააქუცმაცეთ. კვერცხი მოხარშეთ. ტაფაზე ცოტა ზეთში კომბოსტო შეწვით. მწვანილი, დაჭრილი კვერცხი, მარილი და წიწაკა დაუმატეთ.
4. ცომი ჩაზილეთ და პატარა ნაჭრებად დაჭერით. თითოეულიდან კვერი გააკეთეთ, ცენტრში შიგთავსი მოათავსეთ, კიდეები შეკარით და ღვეზელი გააკეთეთ.
5. ტაფაზე მცენარეული ზეთი გაახურეთ, ღვეზელი მოათავსეთ და საშუალო ცეცხლზე ორივე მხრიდან შეწითლებამდე შეწვით. ცხიმის ნარჩენების მოსაშორებლად შემწვარი ღვეზელები ქაღალდზე გადმოიტანეთ.
ღვეზელი მოხარშული ცომით პირდაპირ ტაფაზე იზრდება. ნახეთ, როგორი გემრიელი და ჰაეროვანია. შემწვარი ღვეზელი მეორე დღესაც ნაზი და გემრიელი დარჩება. გემრიელად მიირთვით!
