ბაზარში ვაშლი იაფია. ეს მახარებს და ყოველ მეორე დღეს ვაშლის ფენოვან ნამცხვრებს ვაკეთებ. ძალიან მომწონს, რომ ცომს დიდხანს მომზადება არ სჭირდება. ყველაფერი, რაც გჭირდებათ: 1 შეფუთვა ფენოვანი ცომი, 5 ვაშლი, 1 კვერცხის გული და ცოტა გარგარის ჯემი. შაქარიც საჭირო არაა.
Gastronomia.ge–ს რედაქცია ნაზი კრემიანი ვაშლის ფენოვანი ნამცხვრის მომზადების დეტალურ ინსტრუქციას გიზიარებთ. ერთ დაჯდომაზე 10 ცალს მივირთმევ, ნაკლებს არა!
ინგრედიენტები:
- 300 გ მზა ფენოვანი ცომი
- 1 კვერცხის გული
- 5 ვაშლი
- 100 გ გარგარის ჯემი ან პოვიდლო
- 3 ს/კ ნუშის ფანტელები
მომზადების წესი:
1. ვაშლი გარეცხეთ, გათალეთ და შუაზე გაჭერით. შუაგული მოაშორეთ. ვაშლის თითოეული ნახევარი ჩაჭერით, მაგრამ არა ბოლომდე. ასე ყველა ვაშლზე გააკეთეთ.
2. ფქვილმოყრილ მაგიდაზე ცომი გააბრტყელეთ. კვადრატებად დაჭერით. ზომით ვაშლის ნახევარზე ცოტა მეტი უნდა იყოს.
3. თითოეულ კვადრატზე ვაშლის ნახევარი დადეთ და ცომის კუთხეები ასწიეთ. ცომი ვაშლს მიაკარით და რაღაც თეფშის მსგავსი გააკეთეთ. პერგამენტ დაფარებულ საცხობ ფორმაზე გადაიტანეთ.
4. კვერცხის გული ცომის კუთხეებს წაუსვით. წინასწარ გარგარის ჯემი გააცხელეთ და ვაშლს წაუსვით. ეცადეთ, რომ ჯემი ვაშლის ჭრილებშიც მოხვდეს.
5. წინასწარ 200 გრადუსამდე გახურებულ ღუმელში 20 წუთით მომზადებამდე აცხვეთ.
6. მზა ნამცხვრებს გარგარის ჯემი ისევ გადაუსვით და ნუშის ფანტელები მოაყარეთ. გემრიელად მიირთვით!
დესერტი არა უბრალოდ ფენოვანი ნამცხვარი, არამედ ტორტია! გამომცხვარი ვაშლი გარგარის ჯემთან ერთად მყისიერად კრემად გადაიქცევა. ასეთი დესერტი როგორც ზრდასრულებს, ასევე ბავშვებს მოეწონებათ. შეუდარებელი რეცეპტია, რეკომენდაციას ვუწევთ!
