აზიური კერძი კარგია იმით, რომ უმეტესობა მათგანს ხანგრძლივი თერმული დამუშავება არ სჭირდება. რა თქმა უნდა, პირველ რიგში, წასახემსებელს ვგულისხმობთ. არომატული ბოსტნეულის სალათი აზიურ სტილში სტაფილოს მოხარშვას და ყაბაყის შეწვას არ მოითხოვს. სალათს უმი დაუმატეთ. დანარჩენ საქმეს პიკანტური საკაზმი–მარინადი გააკეთებს.
ხრაშუნა და წვნიანი ბოსტნეული რომ მოამზადოთ, ცხარე საკაზმი გააკეთეთ. მზესუმზირის ზეთი სანელებლებით (ქინძი და ტკბილი პაპრიკა) ტაფაზე შეწვით. ამ ნარევს სოიოს სოუსი დაუმატეთ. საოცარი საკაზმი ბოსტნეულს დაუმატეთ.
როგორ მოვამზადოთ სალათი ყაბაყით და სტაფილოთი
გახსოვდეთ, რომ ყაბაყი უნდა გაწუროთ, სანამ წასახემსებელს დაუმატებთ. ზოლებად დაჭერით, შემდეგ მარილი დაუმატეთ და ხელით კარგად აურიეთ. ყაბაყი გაწურეთ და ზედმეტი წვენი მოაშორეთ. ამ მარტივი მანიპულაციების შემდეგ ბოსტნეული დანარჩენ ინგრედიენტებს შეგიძლიათ დაუმატოთ.
ინგრედიენტები:
- 1 ყაბაყი
- 1 ბულგარული წიწაკა
- 1 კონა ოხრახუში
- 2 ს/კ ძმარი
- 1 ჩ/კ პაპრიკა
- ქინძი გემოვნებით
- 1 ჩ/კ მარილი
- 1 სტაფილო
- 3 კბილი ნიორი
- 50 მლ მზესუმზირის ზეთი
- 1 ს/კ სეზამი
- 1 ჩ/კ შაქარი
- 1 ჩ/კ სოიოს სოუსი
მომზადების წესი:
1. ყაბაყი კარგად გარეცხეთ. თხელ ზოლებად დაჭერით. თესლიანი ნაწილი მოაშორეთ. ყაბაყს 1 ჩ/კ მარილი დაუმატეთ და აურიეთ. 15 წუთით გააჩერეთ, შემდეგ გაწურეთ.
2. სტაფილო გათალეთ. თხელ ზოლებად დაჭერით, ბოსტნეულის სათლელი გამოიყენეთ. სტაფილო და ყაბაყი აურიეთ.
3. ბულგარული წიწაკა კარგად გარეცხეთ. ყუნწი და თესლი მოაშორეთ. წვრილ ზოლებად დაჭერით. ტკბილი წიწაკა დანარჩენ ბოსტნეულს დაუმატეთ.
4. მზესუმზირის ზეთი ტაფაზე გააცხელეთ. ქინძი და ტკბილი პაპრიკა დაუმატეთ. სოიოს სოუსი დაასხით. რამდენიმე წუთით გააცხელეთ.
5. ნიორი გაასუფთავეთ და დაჭყლიტეთ. ნიორი და ცხელი ზეთი სანელებლებით ბოსტნეულს დაუმატეთ.
6. ოხრახუში გარეცხეთ და დააქუცმაცეთ. მწვანილი, ძმარი (9%), შაქარი და სეზამის თესლი მზა ინგრედიენტებს დაუმატეთ. კარგად აურიეთ და 2-3 საათით გააჩერეთ.
თუ სურვილი გაქვთ, სუფრის ძმარი ლიმონის წვენით ჩაანაცვლეთ. მსუბუქი სიმჟავე სალათს ისედაც ექნება, მაგრამ ასე ციტრუსის ნოტებსაც შემატებთ. ახალი და ფერადი სალათი ნამდვილად მოგეწონებათ!
