ვაშლის პუდინგი გემრიელი და მარტივი კერძია, რომელიც შეგიძლიათ მოამზადოთ ნებისმიერ დროს. მისი გულსართი საოცრად ჰაეროვანი და არომატულია. ჩაინიშნეთ რეცეპტი.
ინგრედიენტები:
გულსართი:
- 750 გ ვაშლი, გათლილი, გულამოცლილი და თხლად დაჭრილი
- 75 გ ყავისფერი შაქარი
- 2 ჩაის კოვზი წმინდად გახეხილი ლიმონის ცედრა
- 1 სუფრის კოვზი ახალგამოწურული ლიმონის წვენი
- 1 სუფრის კოვზი წყალი
ზედა ფენა:
- 180 გ კარაქი, დარბილებული
- 150 გ შაქარი
- 3/4 კოვზი ვანილის ექსტრაქტი (ესენცია)
- 1/3 ჩაის კოვზი ლიმონის ექსტრაქტი (ესენცია)
- 3 დიდი კვერცხი, ათქვეფილი
- 200 გ ფქვილი
- 2-3 სუფრის კოვზი რძე
- 2 სუფრის კოვზი შაქრის პუდრი, მოსაყარელად
- ნაყინი ან ათქვეფილი ნაღები-სუფრაზე მისატანად
მომზადების წესი:
- გულსართი: გააცხელეთ ელექტროღუმელი 180 გრადუსზე.
- 1,2 ლ მოცულობის საცხობ ყალიბს წაუსვით კარაქი და ლანგარზე მოათავსეთ.
- ჩააწყვეთ ვაშლის ნაჭრები, მოაყარეთ ყავისფერი შაქარი, ლიმონის ცედრა, მოასხით ლიმონის წვენი და წყალი.
- ზედა ფენა: საშუალო ზომის ჯამში მიქსერით, მაღალი სიჩქარით ათქვიფეთ კარაქი და შაქარი, სანამ მკრთალი ფერის ან კრემის სისქისა არ გახდება. შეათქვიფეთ ვანილის და ლიმონის ექსტრაქტი.
- სათითაოდ დაუმატეთ კვერცხები, ნელ-ნელა შეათქვიფეთ ფქვილი, ყოველი კვერცხის დამატებისას.
- შეურიეთ დარჩენილი ფქვილიც და იმდენი რძე, რომ მიიღოთ რბილი, ნამცხვრისთვის შესაფერისი ცომი.
- ცომი კოვზით დაადეთ ვაშლებს და ზედაპირი თანაბრად მოასწორეთ.
- შედგით ღუმელში და 40-45 წუთი აცხვეთ, სანამ ხილი არ მომზადდება და ცომი ოქროსფერი გახდება.
- მოაყარეთ შაქრის პუდრი.
- სუფრაზე მიიტანეთ თბილი, ნაყინთან ან ათქვეფილ ნაღებთან ერთად.
