საბავშვო ხაჭოს ნამცხვრების ცხობა ჯერ კიდევ ბავშვობაში ვისწავლე. ყველაფერი კი ვარსკვლავის, ცხოველებისა და გულების სპეციალური ფორმების წყალობით. დედას ვეხმარებოდი და ყოველთვის სიამოვნებით ვერთვებოდი მომზადების პროცესში. ამდენი ხნის შემდეგაც ამ ფორმებს დღემდე ვიყენებთ.
ტრადიციული რეცეპტის მიხედვით, ნამცხვარში ქიშმიშს უმატებენ. მაგრამ ჩემს კულინარიულ ექსპერიმენტებში მე უფრო შორს წავედი: ქიშმიშის ნაცვლად შოკოლადის ნაფხვენებს, ქოქოსის ფანტელს, ცუკატებს ვიყენებ. თუ სპეციალური ფორმები არ გაქვთ, შეგიძლიათ უბრალოდ კოვზით დაასხათ საცხობ ფორმაზე ცომი.
ინგრედიენტები
- 400 გრ ხაჭო
- 2 კვერცხი
- 3 ს.კ. შაქარი
- 20 გრ კარაქი
- 0,5 ჭიქა ფქვილი
- 40 გრ ქიშმიში
- 1 ჩ.კ. გამაფხვიერებელი
- 1 ს.კ. შაქრის პუდრი
- 1 მწიკვი მარილი
მომზადება
- ათქვიფეთ კვერცხი შაქართან და მარილთან.
- დაამატეთ დარბილებული კარაქი და ხაჭო. შემდეგ ფქვილი, გამაფხვიერებელი და ქიშმიში. კარგად მოურიეთ.
- დააფინეთ საცხობ ფორმაზე პერგამენტი. კოვზით სათითაოდ დაასხით ცომი.
- შედგით 180 გრადუსამდე გახურებულ ღუმელში 20 წუთით.
- მზა ნამცხვარს მოაყარეთ შაქრის პუდრი.
ნაზი და მსუბუქი ხაჭოს ნამცხვარი მაღაზიაში ნაყიდზე ბევრად გემრიელია. არავითარი ზედმეტი წონა და მუცლის სიმძიმე. ნამცხვარს შეგიძლიათ ყავისფერი შაქრისა და დარიჩინის ნაზავი მოაყაროთ. მორთეთ გემოვნების მიხედვით. მოამზადეთ სიამოვნებით და გაუზიარეთ რეცეპტი მეგობრებს!
