დღეს “გასტრონომიას” რედაქცია გთავაზობთ უჩვეულო ვაშლის ბლინების რეცეპტს. ამ შემთხვევაში ცომი არამხოლოდ რძით, არამედ ნაღების დამატებით მზადდება, უკვე სახელწოდებიდან გამომდინარე, რეცეპტი ვაშლს ითვალისწინებს. მას წინასწარ აცხობენ ცომის განსაკუთრებული ტექსტურისა და გემოს მისაღებად.
აირჩიეთ მომჟავო ნაყოფები, ბლინებს უმჯობესია ტკბილი მურაბა მოასხათ. და თუკი ტკბილ ვაშლს აირჩევთ, მაშინ შიგთავსი საჭირო არ არის. როგორ მოვამზადოთ ვაშლის ბლინები?
ინგრედიენტები
- 5 ც ვაშლი
- 800 გრ ფქვილი
- 4 კვერცხი
- 2 ჩ.კ. საფუარი
- 900 მლ რძე
- 500 მლ ნაღები
- 100 გრ კარაქი
- 1 ს.კ. ლიმონის ცედრა
მომზადება
1. გარეცხეთ ვაშლი, შედგით 180 გრადუსამდე გახურებულ ღუმელში და მოამზადეთ დარბილებამდე. მოაცილეთ კანი და გახეხეთ.
2. გააცხელეთ რძე, დაამატეთ შაქარი, ნახევარი ფქვილი, საფუარი, დადგით თბილ ადგილას 30 წუთით.
3. დაამატეთ დარჩენილი ფქვილი, კვერცხი, ვაშლის პიურე, ლიმონის ცედრა, დარბილებული კარაქი და ათქვიფეთ მიქსერით. დაამატეთ ნაღები და კიდევ ერთხელ ათქვიფეთ.
4. გამოაცხვეთ ტაფაზე ზეთის გარეშე.
ერთი შეხედვით, ბლინები ჩვეულებრივი კერძია, თუმცა თუ რამდენიმე განსხვავებულ ინგრედიენტს დაამატებთ, გემო მთლიანად იცვლება. მოამზადეთ სიამოვნებით, გაახარეთ ოჯახის წევრები, რეცეპტი კი გაუზიარეთ მეგობრებს!
