ახალგამომცხვარ მაფინებს განსაკუთრებული ცომი და არომატი აქვს, სწრაფად მზადდება და ტიტანურ ძალისხმევას არ მოითხოვს. ყველაფერი ერთად სახლის ცომეულში ერთ–ერთ ფართოდ წარმოდგენილ ვარიანტად აქცევს. მაფინის ბევრი რეცეპტი არსებობს და დღევანდელი გამოიგონეს ან ჭარბი გენიალურობის ან ღუმლის ან მიკროტალღურის უქონლობის გამო. შოკოლადის მაფინის გამოსაცხობად მხოლოდ ქვაბი და ფინჯნები დაგჭირდებათ.
ორთქლზე მომზადებული ფუნთუშები ხშირად გვხვდება ჩინურ და სხვა კულინარიულ წიგნში, მაგრამ ტექნოლოგია ცოტათი განსხვავდება. გამომცხვარი მაფინი კაკაოთი ბრაუნს ჰგავს: ფორებიანი, შოკოლადის, ცოტა სველი შიგნით და ძალიან გემრიელი.
ინგრედიენტები:
- 300 გ ხორბლის ფქვილი
- 200 გ შაქარი
- 100 მლ კეფირი
- 10 გ გამაფხვიერებელი
- 3 კვერცხი
- 130 მლ მზესუმზირის ზეთი
- 2 გ ვანილი
- 20 გ კაკაოს ფხვნილი
მომზადების წესი:
1. კვერცხი და შაქარი მასის გათეთრებამდე ათქვეფეთ. კეფირი, მცენარეული ზეთი და ვანილი ან 10 გ ვანილის შაქარი დაუმატეთ.
2. თხევად ნარევს გაცრილი ფქვილი, კაკაო და გამაფხვიერებელი დაუმატეთ. თხელი, მაგრამ მკვრივი ცომი მოზილეთ.
3. ფინჯნებს შიგნით მცენარეული ზეთი წაუსვით და 2/3 მოცულობა ცომით გაავსეთ. ამ რაოდენობის ცომისთვის 5 ფინჯანი (200 მლ) დაგჭირდებათ. 5 ლიტრიან ქვაბში ჩააწყვეთ. ქვაბის ძირში ქსოვილი ჩააფინეთ. წყალი ჩაასხით ისე, რომ ცომს უტოლდებოდეს.
4. ქვაბს პირსახოცი გადააფარეთ, შემდეგ თავსახური დაახურეთ და ადუღების მომენტიდან 25-30 წუთი ამზადეთ.
შოკოლადის ნაფშვენი დაუმატეთ, რომ გემო გააძლიეროთ, ან შოკოლადის ჭიქური მოასხით. ქიშმიში, კაკალი, გარგარის ჩირი და ცუკატი თქვენი ერთგული დამხმარეა, რომ დესერტს ახალი გემო შემატოთ. ცომი შესანიშნავი და თვითკმარია, 2–3–ჯერ უფრო სწრაფად ამოდის. ფინჯნიდან ამოღება არ გაგიჭირდებათ. გირჩევთ, პირველად სცადოთ კლასიკური ვარიანტი დანამატების გარეშე.
