დროა ზაფხულს გაუღიმოთ და წვნიანი კენკრა ყუნწებით დაიჭიროთ, შემდეგ მოწითალო გალეტაში შეფუთოთ. ივნისში ღია პეროგს კენკრით ყოველთვის ვამზადებ. ცომი მარტივია, წყალზე მომზადებული. სწრაფად და ზედმეტი ძალისხმევის გარეშე კეთდება, ხოლო შიგთავსად ნებისმიერი რამ შეგიძლიათ გამოიყენოთ.
Gastronomia.ge–ს რედაქცია გიზიარებთ ფრანგული გალეტას მომზადების ინსტრუქციას, რომელსაც წვნიანი საზაფხულო შიგთავსი აქვს. მარწყვის არომატის ჩასუნთქვის დროა!
ინგრედიენტები:
- 250 გ ხორბლის ფქვილი
- 110 გ კარაქი
- 1 ჩ/კ საფუარი
- 50 გ + 5 ს/კ შაქარი
- 90 გ წყალი
- 350 გ მარწყვი
- მწიკვი ვანილი
- 1 კვერცხი
მომზადების წესი:
1. ფქვილი გაცერით, მშრალი საფუარი და წვრილად დაჭრილი ცივი კარაქი დაუმატეთ. ხელით აურიეთ ისე, რომ ნაფშვენი მიიღოთ.
2. 50 გ შაქარი და წყალი დაუმატეთ. ცომი მოზილეთ. ერთ გუნდად შეკარით. პარკში გაახვიეთ და მაცივარში ნახევარი საათით გააჩერეთ.
3. მარწყვი გარეცხეთ, გააშრეთ. ყუნწები მოაშორეთ.
4. მარწყვი ნაჭრებად დაჭერით. 3 ს/კ შაქარი მოაყარეთ და გალეტას მომზადებამდე გააჩერეთ.
5. პერგამენტის ქაღალდზე 0,5-0,4 სმ სისქის ცომი გააბრტყელეთ. მარწყვიდან წვენი გადაწურეთ, შემდეგ კენკრა ცომის ცენტრში ფრთხილად მოათავსეთ. კიდიდან დაახლოებით 6 სმ დატოვეთ. კიდეები გადაკეცეთ და ცომს ათქვეფილი კვერცხის გული წაუსვით. ზემოდან დარჩენილი შაქარი და ვანილი მოაყარეთ.
6. გალეტა წინასწარ 180 გრადუსამდე გახურებულ ღუმელში 35 წუთით შეწითლებამდე აცხვეთ. გემრიელად მიირთვით!
ასეთი გალეტა შეგიძლიათ გააკეთოთ საყვარელი კენკრით და ხილით: ატამი, ვაშლი, მსხალი, ქლიავი, ალუბალი, ბალი, ჟოლო. შიგთავსი აირჩიეთ და მომზადებას შეუდექით. ოჯახის წევრები მცდელობისთვის მადლობას აუცილებლად გეტყვიან.
