ზოგისთვის გრისინი, ზოგისთვის ბურბუშელა, ხოლო უკრაინელებისთვის – ვერგუნი. ეროვნული ტკბილი ცომეული გულს მაშინვე იპყრობს. ტრადიციულად უსაფუარო ცომით ტაფაზე მზადდება. უკრაინულ ვერგუნს ქონზეც წვავენ და თაფლთან ერთად ან მის გარეშე სუფრაზე გააქვთ. დროთა განმავლობაში რეცეპტი გაუმჯობესდა. Gastronomia.ge-ს რედაქცია გთავაზობთ პოპულარული ვერგუნის რეცეპტს კაკლით. მისი მომზადების მეთოდი საკმაოდ საინტერესოა. კაკალს ნაჭუჭებიანად მდუღარე წყალში ხარშავენ.
ინგრედიენტები:
- 1 ფორთოხალი
- 2 კვერცხი
- 3 ს/კ შაქარი
- 700 გ ხორბლის ფქვილი
- 300 გ ნიგოზი
- 300 მლ რძე
- 0,5 ჩ/კ მარილი
- 7 გ მშრალი საფუარი
- 80 გ კარაქი
მომზადების წესი:
- რძე შეათბეთ ისე, რომ ოთახის ტემპერატურაზე ოდნავ მაღალი იყოს. საფუარი, 1 ს/კ შაქარი, 1 ფორთოხლის ცედრა, 1 მთელი კვერცხი და 1 კვერცხის ცილა დაუმატეთ და ათქვიფეთ.
- ხორბლის ფქვილი და რბილი კარაქი დაუმატეთ. რბილი ცომი მოზილეთ. პარკი და პირსახოცი დააფარეთ. თბილ ადგილას 30 წუთით გააჩერეთ.
- ამ დროში ნიგოზს წყალი დაასხით და 5 წუთით ადუღეთ. ცეცხლიდან გადმოდგით. ახლა შიშველი ხელით დატეხეთ. ბირთვი ამოიღეთ და დააბლენდერეთ. კაკლის ნაფშვენი და 2 ს/კ შაქარი აურიეთ.
- ცომი ორ თანაბარ ნაწილად გაყავით და ორ მართკუთხედად გააბრტყელეთ. თითოეულს კარაქი წაუსვით, კაკლის ნაფშვენი მოაყარეთ და ორად გაკეცეთ. ზოლებად დაჭერით. თითოეული ზოლი ერთი მხრიდან შუაზე ჩაჭერით, მაგრამ არა ბოლომდე. გადაგრიხეთ.
- ვერგუნები პერგამენტ დაფარებულ საცხობ ფორმაზე დააწყვეთ. პარკი დააფარეთ და 10 წუთით გააჩერეთ. ახლა კვერცხის გული წაუსვით და 180 გრადუსზე 15 წუთით აცხვეთ.
ფორთოხლის ნაცვლად შეგიძლიათ ლიმონის ცედრა ცოტა ვანილთან ერთად გამოიყენოთ. ასე რბილ და ტკბილ არომატს მიიღებთ. გირჩევთ, რომ ნიგოზი გამოიყენოთ, მაგრამ თხილიც მისაღებია.
