ხაჭოს ტკბილეულის მოყვარულებს Gastronomia.ge-ს რედაქცია გემრიელ ხაჭოს მაფინებს გთავაზობთ. დესერტი მზადდება მარტივი პროდუქტებისგან, რომლებიც, ალბათ, ყველა დიასახლისს სამზარეულოში აქვს.
ინგრედიენტები:
- 2 კვერცხი
- 0,2 კგ შაქრის ფხვნილი
- 0,25 კგ ხაჭო
- 140/150 გრ კარაქი
- ½ ჩ/კ მარილი
- 1 პაკეტი ვანილის შაქარი
- ½ ჩ/კ სოდა
- 0,1 ლ კეფირი
- 230/250 გრ ფქვილი
მომზადების წესი:
- დიდ თეფშზე ორი კვერცხი ჩატეხეთ. ცილის და გულის დაცალკევება საჭირო არაა.
- შაქარი და ვანილის შაქარი დაუმატეთ.
- კოვზით აურიეთ, სანამ მასა არ გაღიავდება. მწიკვი მარილი დაუმატეთ.
- კვერცხი–შაქრის მასას ოთახის ტემპერატურის კარაქი (რბილი უნდა იყოს) დაუმატეთ და აურიეთ.
- ხაჭო დაუმატეთ. სჯობს ზედმეტად მჟავე ხაჭო არ გამოიყენოთ. ერთგვაროვანი მასის მიღებამდე აურიეთ. კეფირი დაუმატეთ.
- ფქვილი და სოდა სტანდარტულად აურიეთ, გაცერით და მასას დაუმატეთ. ელასტიური ცომი მოზილეთ.
- ფორმები აიღეთ, ცოტა ზეთი წაუსვით და ცომით ფორმები ნახევრად გაავსეთ.
- წინასწარ 180 გრადუსამდე გახურებულ ღუმელში 15/20 წუთით აცხვეთ.
- გასაფორმებლად შეგიძლიათ გამდნარი შოკოლადი გამოიყენოთ.
- გემრიელ ჩაის სმას გისურვებთ!
