გაზაფხულს აუცილებლად უნდა შევხვდეთ უგემრიელესი ბლინებით და ოლადებით. დღეს მე 5 განუმორებელ რეცეპტს შემოგთავაზებთ. ეს რეცეპტები ბეებიის კულინარიული წიგნიდან ამოვწერე. საუკეთესოები ავარჩიე და მზად ვარ თქვენთან ერთად მოვამზადო.
მოდით დავიწყოთ!
ფაფუკი ბლინები რძეზე
ინგრედიენტები
- 150მლ რძე
- 3 კვერცხი
- 1 სუფრის კოვზი კარტოფილის სახამებელი
- 1,5 ჩაის კოვზი გამაფხვიერებელი
- 100გ ფქვილი
- მარილი
მომზადება
- განაცალკევეთ ცილა და გული. ათქვიფეთ გული რძესთან ერთად.
- გაცერით ფქვილი, დაუმატეთ სხამებელი და გამაფხვიერებელი.
- ფქვილი დაუმატეთ რძის მასას და კარგად მოურიეთ.
- ათქვიფეთ ცილა და მარილი.
- ცომის მასას ნელ-ნელა დაუმატეთ ათქვეფილი ცილა და ფრთხილად მოურიეთ სილიკონის ნიჩბით.
- მშრალ ტაფაზე გამოაცხეთ ბლინები. მოასხით თაფლი და მიირთვით.
მოხვეული ბლინები
ინგრედიენტები
- 500მლ რძე
- 4 კვერცხი
- 250გ ფქვილი
- 1 სუფრის კოვზი შაქარი
- 1 ჩაის კოვზი მარილი
- 2 სუფრის კოვზი მცენარეული ზეთი
- ხახვი
- 800გ სოკო
- 400გ ქათმის ფილე
- 150გ ფენოვანი ცომი
- 50გ მწვანე ხახვი
- მარილი
- წიწაკა
მომზადება
- კვერცხს დაუმატეთ შაქარი და მოასხით რძე.
- მოაყარეთ გაცრილი ფქვილი და კარგად მოურიეთ. მზა ცომს მოასხით მცენარეული ზეთი, ისევ მოურიეთ.
- პირველი ბლინისთვის წაუსვით ტაფას ცხიმი და გააცხელეთ. გამოაცხეთ თხელი ბლინები.
- ქათმის ფილე დაჭერით წვრილად. გარეცხეთ სოკო და წვრილად დაჭერით.მრგვლად დაჭერით ხახვი.
- მოთუშეთ ქათამუ, სოკო და ხახვი ზეთზე 15-20 წუთი.
- მოაყარეთ მარილი და წიწაკა. დაჭერით მწვანე ხახვი და დაუმატეთ შიგთავსს.
- გულსართი მოათავსეთ ბლინში, მოახვიეთ და შეკარით მწვანე ხახვით.
წიწიბურის ბლინები
ინგრედიენტები
- 3 კვერცხი
- 0,5 ჩაის კოვზი მარილი
- 300მლ რძე
- 2 სუფრის კოვზი მცენარეული ზეთი
- 50გ ხორბლის ფქვილი
- 50გ წიწიბურის ფქვილი
მომზადება
- კვერცხს დაუმატეთ შაქარი და მარილი. მოასხით ზეთი და რძე. კარგად გადაურიეთ.
- ცალკე ჯამში მოათავსეთ წიწიბურის და ხორბლის ფქვილი. გაცერით და დაუმატეთ თხევად ინგრედიენტებს. მოზილეთ ცომი.
- ტაფას წაუსვით ზეთი და გამოაცხეთ ბლინები ორივე მხრიდან.
ბლინები “გურმანი”
ინგრედიენტები
- 500მლ რძე
- 2 კვერცხი
- 2 სუფრის კოვზი შაქარი
- მარილი
- 2 სუფრის კოვზი მცენარეული ზეთი
- 250გ ფქვილი
- 500გ ხაჭო
- 20გ გამომშრალი გარგარი
- 15გ ქიშმიში
- 20გ ნიგოზი
მომზადება
- მოზილეთ ბლინების ცომი. ცხელ ტაფაზე გამოაცხეთ თხელი ბლინები. დაიწყეთ გულსართის მზადება.
- დააბლენდერეთ ხაჭო. ქიშმიში, გამომშრალი გარგარი და შავი ქლიავი ჩაალბეთ ცხელ წყალში 5 წუთი. შემდეგ წვრილად დაჭერით და დაუმატეთ ხაჭოს.
- ნიგოზი დააქუცმაცეთ და შაქართან ერთად დაუმატეთ ხაჭოს მასას.
- თითოეულ ბლინზე მოათავსეთ 1 სუფრის კოვზი შიგთავსი და შეფუთეთ კონვერტისებურად.
“მეფური” ბლინები
ინგრედიენტები
- 500მლ რძე
- 4 კვერცხი
- 1 სუფრის კოვზი შაქარი
- 250გ ფქვილი
- 0,5 ჩაის კოვზი მარილი
- 2 სუფრის კოვზი მცენარეული ზეთი
- წითელი ხიზილალა
- 20გ კარაქი
მომზადება
- ათქვიფეთ კვერცხი მარილთან ერთად.
- ჩაასხით რძე და მოურიეთ. დაუმატეთ გაცრილი ფქვილი და მოზილეთ ცომი. ცომს მოასხით ზეთი და ისევ მოურიეთ.
- ცხელ ტაფაზე გამოაცხეთ ბლინები.
- თითოეულ მზა ბლინს წაუსვით კარაქი.
- გულსართად მოათავსეთ ხიზილალა და შეკარით კონვერტისებურად.
გემრიელად მიირთვით!
