წიწიბურა ჩვენი სამზარეულოს ხშირი სტუმარია, რადგან ეს მარცვლეული არა მხოლოდ სასარგებლო და გემრიელი, არამედ გასაოცრად უნივერსალურია. მათ, ვისაც წიწიბურა არ უყვარს, მაგრამ რაციონში როგორღაც მისი დამატება სურს, დაჟინებით ვურჩევთ გემრიელი წიწიბურას კოტლეტების მომზადებას.
წიწიბურას კოტლეტის მომზადება ძალიან მარტივი და ამასთან წარმოუდგენლად ეკონომიურია. ნოყიერი, უხორცო კოტლეტები თქვენი საოჯახო სუფრის ხშირი სტუმარი გახდება, რადგან პირველივე გასინჯვაზე შეგიყვარდებათ.
„გასტრონომია“ გთავაზობთ წიწიბურას კოტლეტის კლასიკურ რეცეპტს უხორცოდ, მაგრამ ყველით! ეს წიწიბურას რაციონში დამატების საუკეთესო ვარიანტია მაშინაც კი, თუ ამ სასარგებლო მარცვლეულს ვერ იტანთ.
წიწიბურას კოტლეტები
ინგრედიენტები:
- 200 გრ წიწიბურას მარცვლები
- 2 კვერცხი
- 100 გრ ხმელი ყველი
- 1 ხახვი
- 50 გრ კარაქი
- 2 ს/კ ფქვილი
- მარილი და სანელებლები გემოვნებით
- მცენარეული ზეთი შესაწვავად
შინაურული წიწიბურას კოტლეტი ძალიან სწრაფად მზადდება და კიდევ უფრო სწრაფად სუფრიდან ქრება – ტაფიდან გადმოღებას ძლივს ვასწრებ!
მომზადება:
1. თავდაპირველად, წიწიბურას მარცვლები მომზადებამდე მოხარშეთ.
2. სანამ წიწიბურა იხარშება, ხახვი გაასუფთავეთ და მცირე ნაჭრებად დაჭერით.
3. ტაფაზე კარაქი გაადნეთ და ხახვი შეწვით, რომ ოდნავ დარბილდეს. ცოტა გაგრილება აცადეთ.
4. ყველი მსხვილ სახეხზე გახეხეთ. წიწიბურას მარცვლები, ხახვი და ყველი ღრმა თასში აურიეთ. მარილი და სანელებლები გემოვნებით დაუმატეთ, კვერცხი ჩატეხეთ. ყველა ინგრედიენტი კარგად აურიეთ.
5. ფქვილი დაუმატეთ და კვლავ კარგად აურიეთ. ფარშიდან პატარა კოტლეტები გააკეთეთ, თითოეული ფქვილში ამოავლეთ.
6. კოტლეტები ტაფაზე ოქროსფერ შეფერილობამდე შეწვით. არომატული და ძალიან სასარგებლო კერძი მზადაა!
არომატული წიწიბურას კოტლეტების მომზადება უფრო მარტივი რომ იყოს, ვიდეო რეცეპტი ნახეთ.
თუ ხორცის მოყვარული ხართ, შეგიძლიათ კერძს ქათმის ან ძროხის ფარში დაუმატოთ, ასე კერძს თანასწორი არ ეყოლება! გემრიელი წიწიბურას კოტლეტები ნაღების სოუსთან, კარტოფილის პიურესთან ან ახალ ბოსტნეულთან ერთად სუფრაზე გაიტანეთ. გემრიელ კერძს არა მხოლოდ უფროსები, არამედ პრეტენზიული ბავშვებიც დააფასებენ.
რეცეპტი მოგეწონათ? მეგობრებს აუცილებლად გაუზიარეთ.
