ტრადიციულად ბულგარეთსა და რუმინეთში არომატულ სააღდგომო და საშობაო ნამცხვარს – “კოზუნაკს” ამზადებენ. ეს ტკბილი, საფუარიანი ღვეზელია რომელიც ყველასთვის ცნობილი “კულიჩის” ალტერნატივაა. მისი მომზადების რამდენიმე ვარიაცია არსებობს, დღეს სწორედ ერთ-ერთ მათგანს გაგაცნობთ!
ტკბილი საფუარიანი ღვეზელი
მისი ძირითადი ინგრედიენტებია: ფქვილი, შაქარი, რძე, კვერცხი, ზეთი და საფუარი. ის შეგიძლიათ სწორ ფორმაში გამოაცხოთ ან ფუნთუშებად დაყოთ. მზადდება როგორც გულსართით, ასევე გულსართის გარეშეც. მას უხდება არაქისი, ქიშმიში, რახათ-ლუხუმი, კაკაო, ახალი ხაჭო, მარმელადი და რა თქმა უნდა ყველა შესაძლო კომბინაციაც!
დღეს ამ ტკბილეულის ერთ ერთ რეცეპტს წარმოგიდგენთ მაგრამ, ექსპერიმენტების გაკეთებაც შეგიძლიათ!
ცომის ინგრედიენტები:
- 500 გრამი ფქვილი
- 3 სუფრის კოვზი შაქარი
- 20 გრამი საფუარი
- 75 გრამი კარაქი
- 2 კვერცხი
- 180 მილიგრამი რძე
ინგრედიენტები:
- 5 სუფრის კოვზი კაკაოს ფხვნილი
- 8 სუფრის კოვზი შაქარი
- 100 გრამი დაფქული არაქისი
- 5 სუფრის კოვზი რძე
მომზადების წესი:
1. თბილ რძეში გახსენით საფუარი და შაქარი.
2. ჯამში ჩაყარეთ გაცრილი ფქვილი და დაასხით საფუარიანი რძე. საგულდაგულოდ მოურიეთ.
3. ათქვიფეთ კვერცხი, დაუმატეთ მარილი და გამდნარი კარაქი. მოზილეთ ცომი და 1 საათით თბილ ადილას დატოვეთ გასაფუებლად.
4. გულსართის მოსამზადებლად კარგად აურიეთ მისი ინგრედიენტები ერთგვაროვანი მასისი მიღებამდე.
5. 1 საათის შემდეგ გააბრტყელეთ ცომი და მართკუთხედის ფორმა მიეცით. წაუსვით გულსართი. გადაახვიეთ ცომი და ჩადევით ზეთმოსმულ პურის ან კექსის ფორმაში. დატოვეთ 20 წუთით. შემდეგ 180 გრადუსზე გაცხელებულ ქურაში – 40 წუთით შედგით და გამოაცხვეთ.
გარწმუნებთ, თუ ამ ღვეზელს ერთხელ მაინც მოამზადებთ ის აუცილებლად გახდება თქვენი ფავორიტი.
