ყოველ დიასახლისს აქვს არსენალში პეროგის სათადარიგო რეცეპტი, რომლის მომზადებაც სახელდახელოდ შეიძლება, როცა სტუმრები უცაბედად მოგადგნენ კარს. ზოგისთვის ეს გახლავთ შარლოტკა, ზოგისთვის – პეროგი მურაბით.
„გასტრონომია“ გთავაზობთ კიდევ ერთი სწრაფად მოსამზადებელი პეროგის რეცეპტს. დესერტი ძალიან მარტივად მოსამზადებელი და ამავდროულად ეფექტური და გემრიელია. აუცილებლად ჩაინიშნეთ და გამოიყენეთ პრაქტიკაზე.
ინგრედიენტები
- 3 ჭიქა ფქვილი
- 1 ჭიქა შაქარი
- 150 გრ კარაქი
- მლ კეფირი
- 3 ვაშლი
- 1 ჩ.კ. სოდა
- 1-2 ს.კ. ძმარი
- მარილი გემოვნებით
მომზადება
- დიდ თასში შეურიეთ შაქარი, კარაქი, კვერცხი, კეფილი, მარილი. დაამატეთ ძმარში გახსნილი სოდა, მოურიეთ და დაუმატეთ ფქვილი. მოზილეთ ცომი.
- მოათავსეთ საცხობ ფორმაზე ცომი და გააბრტყელეთ თანაბრად.
- გარეცხეთ ვაშლი, გაუთლელად დაჭერით და მოათავსეთ ცომზე.
- შედგით 200 გრადუსამდე გახურებულ ღუმელში 20 წუთით.
ეს არომატული ვაშლის პეროგი გაგილამაზებთ ზამთრის ცივ საღამოებს. გაახარეთ შინაურები და გაუზიარეთ რეცეპტი მეგობრებს!
