რაფაელოს ტორტი მზადდება ძალიან მარტივად, გამოდის გემრიელი ნაზი და ჰაეროვანი.
ინგრედიენტები
ბისკვიტისთვის
- ხორბლის ფქვილი 140გ
- კარაქი 50გ
- შაქარი 100გ
- გამაფხვიერებელი 2 ჩაის კოვზი
- კვერცხი 3 ცალი
- გახეხილი ქოქოსი 40გ
კრემისთვის
- შაქარი 120გ
- ნაღები 33% 200მლ
- ნაღების ყველი 500გ
- გახეხილი ქოქოსი 80გ
კიდევ 30გ გახეხილი ქოქოსი ზემოდან მოსაყრელად.
მომზადება
- დავიწყოთ ბისკვიტის მომზადება. ავთქვიფავთ მიქსერით.
- ჯამში ჩატეხეთ კვერცხი და მოაყარეთ შაქარი. ათქვიფეთ შაქარის გალღვობამდე.
- კვერცხის მასას დაუმატეთ გამღვალი კარაქი. მოაყარეთ გამაფხვიერებელი და დაიწყეთ თქვეფა.
- თქვეფის პროცესში დაუმატეთ გახეხილი ქოქოსი.
- როცა ქოქოსი კარგად გაითქვიფება შეწყვიტეთ თქვეფა.
- მოაყარეთ ფქვილი, ოდნავ მოურიეთ ნიჩბით და შემდეგ ათქვიფეთ მიქსერით.
- გამოსაცხობი ფორმა ამოფინეთ პერგამენტით და ნიჩბის მეშვეობით ჩაასხით მასში ცომი.
- გამოაცხვეთ 180 გრადუსზე 10 წუთი.
- მზა ბისკვიტი გამოიღეთ ღუმელიდან, გაათანაბრეთ (ზედმეტი ნაწილები მოაჭერით) და გაყავით 3 ნაწილად.
- მოვამზადოთ კრემი. ამისათვის ღრმა ჯამში ჩაყარეთ შაქარი, დაუმატეთ ნაღების ყველი (მე ვიყენებ მასკარპონეს).
- ათქვიფეთ მიქსერით შაქარის გალღვობამდე შემდეგ დაუმატეთ ქოქოსი და ათქვიფეთ ერთგვაროვნებამდე.
- ცალკე ჯამში ათქვიფეთ გაგრილებული ნაღები.
- ნაღების მასას დაუმატეთ ყველის მასა და მოურიეთ ნიჩბით. კრემი მზად არის.
- ავაწყოთ ტორტი. აიღეთ ბისკვიტის პირველი ფენა, მოათავსეთ თეფშზე და წაუსვით კრემი.
- მე ბისკვიტი გავჭერი 4 ნაწილად, მაგრამ ტორტის ასაწყობად გამოვიყენებ 3.
- ამ მეთოდით ააწყვეთ ყველა ფენა და მთლიანად ტორტი დაფარეთ კრემით.
- მოაყარეთ ქოქოსი და შენახეთ მაცივარში 4-5 საათი.
გემრიელად მიირთვით!
