ყველის მილების მთავარი უპირატესობაა ის, რომ მარტივად მზადდება და მარტივი ინგრედიენტებისგან შედგება. თავად მომზადების პროცესზე მაქსიმუმ 15 წუთი დაგჭირდებათ (ეს კვერცხის მოხარშვის გათვალისწინებით). მზა წასახემსებელი ზომიერად ცხარე, მსუბუქი და ძალიან ნაზი გამოდის.
სადღესასწაულო სუფრიდან წამებში ქრება. ასეთი დელიკატესის მიმართ გულგრილი ვერავინ დარჩება. ამ მიზეზით ყველის მილებს კაკლით არა მხოლოდ სადღესასწაულოდ, არამედ ოჯახის წევრების გასახარებლად ვამზადებ. იმდენად მარტივია, რომ ყოველდღე შეგიძლიათ დაახვიოთ.
ყველის მილები კაკლით და ნივრით: მომზადების მომენტები
ყველის მილები გამოხატული კაკლის გემოთი და არომატით რომ მიიღოთ, სეზამის თესლი და კაკალი მშრალ ტაფაზე წინასწარ მოხალეთ. თუ დიეტური წასახემსებლის მომზადება გსურთ, მაიონეზის ნაცვლად იოგურტი ან უცხიმო არაჟანი გამოიყენეთ. არ იდარდოთ: საბოლოო გემოზე დიდად არ იმოქმედებს.
ინგრედიენტები:
- 10 მდნარი ყველი
- 35 გ ნიგოზი
- 2 კვერცხი
- მარილი გემოვნებით
- 3 ს/კ სეზამის თესლი
- 1 სტაფილო
- 75 გ ხმელი ყველი
- 2 კბილი ნიორი
- მაიონეზი გემოვნებით
მომზადების წესი:
1. კვერცხი წინასწარ მოხარშეთ და გააგრილეთ. ნიგოზი წვრილად დაჭერით და ღრმა თასში გადაიტანეთ. სტაფილო, ყველი და კვერცხი წვრილად გახეხეთ. ნივრის კბილები დაჭყლიტეთ.
2. ყველა ინგრედიენტს მარილი მსუბუქად მოაყარეთ. მაიონეზი დაუმატეთ და კარგად აურიეთ.
3. ყველის ფირფიტის კიდეზე ცოტა შიგთავსი გადაიტანეთ. მკვრივი მილი დაახვიეთ. თუ კიდეებში შიგთავსი არ ყოფნის, აუცილებლად დაუმატეთ.
4. მზა მილები ოდნავ შემწვარ სეზამის თესლში ამოავლეთ.
შიგთავსად ცოტა კამა ან ოხრახუში შეგიძლიათ დაუმატოთ. ნიგვზის ნაცვლად გამოგადგებათ ფსტა, კეშიუ ან მიწისთხილი. ასეთი მარტივი ყველის მილების მომზადების ცოდნა ორიგინალური წასახემსებლების მოძებნის საზრუნავს თავიდან აგარიდებთ.
