ქათმის შიგნეულობა ნიგვზით

1134

ქათმის შიგნეულობისგან არაჩვეულებრივი კერძების მომზადება არის შესაძლებელი და “გასტრონომიას” დღევანდელი რეცეპტი ამის ნათელი მაგალითია. სუბპროდუქტების (ქათმის კუჭები და გულები), ნიგვზისა და სანელებლების ნაზავი არაჩვეულებრივ შედეგს იძლევა.

ინგრედიენტები

  • 400 გრ ქათმის შიგნეულობა (კუჭები, გულები)
  • 100 მლ ქათმის ბულიონი
  • 0,5 კონა ქინძი
  • 1 ს.კ. ზეთი
  • 0,5 ჩ.კ. დარიჩინი
  • 0,5 ჩ.კ. მიხაკი
  • 2 კბ ნიორი
  • 1 ს.კ. ფქვილი
  • 1 ც ხახვი
  • 150 გრ ნიგოზი
  • 1 ჩ.კ. ძმარი
  • 1 ც ცხარე წიწაკა
  • მარილი გემოვნებით

მომზადება

  1. გარეცხეთ და მოათავსეთ ქვაბში ქათმის შიგნეულობა, დაუმატეთ წვრილად დაჭრილი ხახვი და მოთუშეთ 10 წუთის განმავლობაში ნელ ცეცხლზე.
  2. დაუმატეთ ზეთი, ფქვილი და კიდევ 3-4 წთ მოამზადეთ.
  3. სოუსისთვის დანაყეთ ნიგოზი, წიწაკა, ქინძი, დაუმატეთ სუნელები, მარილი და დაასხით ბულიონი.
  4. კარგად მოურიეთ და დაუმატეთ ქათმის შინგეულობას. მოთუშეთ 10-15 წუთის განმავლობაში. ბოლოს დაუმატეთ ძმარი, წამოადუღეთ და მოახსენით ცეცხლიდან.

გემრიელად მიირთვით!