ეს ნამცხვარი უხდება ზამთრის ცივ საღამოს. შეგიძლიათ ალუბლის ჯემის ნაცვლად მოცხარის ან ქლიავის ჯემით გამოაცხოთ.
საჭირო მასალა:
ფირფიტა
- 150 გ დარბილებული და კუბებად დაჭრილი კარაქი
- 75 გ შაქრის პუდრი
- 2 მოზრდილი კვერცხის გული
- 200 გ ჭიქა ფქვილი
- 50 გ ჭიქა წმინდად დანაყილი ნუში
- 3-4 ჩაის კოვზი ცივი წყალი
გულსართი
- 600 მლ რძე
- 1 ცალი სიგრძეზე გაჭრილი ვანილის ჩხირი
- 5 მოზრდილი კვერცხის გული
- 100 გ შაქრის ფხვნილი
- 50 გ ფქვილი
- 50 გ დაფქული ნუში
- 150 გ ალუბლის ჯემი
- 50 გ დათლილი ნუში
მომზადების წესი:
- კარაქი და შაქრის პუდრი გათეთრებამდე ათქვიფეთ მიქსერით მაღალ სიჩქარეზე. მიღებული მასა ნაღებისებრიუნდა იყოს. სათითაოდ შეურიეთ კვერცხი. დაუმატეთ ფქვილი, დანაყილი ნუში და საკმაო ოდენობით წყალი, რომ ცომი შეიკრას.
- გააკეთეთ გუნდა, ცელოფანში შეფუთეთ და 1 საათის განმავლობაში გააცივეთ.
- ცომი ფქვილმოყრილ ზედაპირზე 5 მმ-ის სისქეზე გააბრტყელეთ.
- მოათავსეთ 28 სმ დიამეტრის ფორმაში და ნაპირები შემოუსწორეთ. გააცივეთ 30 წუთის განმავლობაში.
- ელექტროღუმელი 180 გრადუს C -მდე გაახურეთ (აირღუმელი დააყენეთ ნიშნულზე – 4)
- ფორმას ფოლგის ან პერგამენტის ქაღალდი დააფარეთ. სიმძიმისთვის ჩააწყვეთ მშრალი მარცვლეული ან ლობიო.
- გამოაცხვეთ 10 წუთის განმავლობაში. ფოლგა და სიმძიმე მოხსენით და ცხობა 5-10 წუთით განაგრძეთ, სანამ ფირფიტა ოქროსფერი გახდება.
- ელექტროღუმელი იმავე იმავე ტემპერატურამდე გაახურეთ.
- საშუალო ზომის ჯამში ჩაასხით რძე, დაუმატეთ ვანილი და საშუალო ცეცხლზე დადგით. მიიყვანეთ ადუღებამდე. მერე გვერდზე გადადგით.
- საშუალო ზომის ჯამში ათქვიფეთ კვერცხის გულები და შაქარი მიქსერით, მაღალ სიჩქარეზე. მასა უნდა გათეთრდეს და ნაღებისებრი გახდეს. შეურიეთ ფქვილი და დაფქული ნუში.
- დაუმატეთ რძე და კარგად ათქვიფეთ. დაბალ ცეცხლზე დადგით და ადუღეთ. დაახლოებით 2-3 წუთი განუწყვეტლივ ურიეთ შესქელებამდე, ვანილის ჩხირი ამოიღეთ.
- ფირფიტას ალუბლის ჯემი წაუსვით და კრემი გადაუსვით. ბოლოს ზემოდან ნუში მოაბნიეთ.
- გამოაცხვეთ 20 წუთის განმავლობაში, სანამ ოქროსფერს მიიღებს.
- სუფრასთან თბილი ან ოთახის ტემპერატურამდე გაგრილებული მიიტანეთ.
