იდეალური გამომშრალი პომიდორი ისაა, რომელიც რამდენიმე დღის განმავლობაში შრებოდა მწველ სამხრეთის მზეზე. ჩვენი კლიმატის, არასტაბილური ამინდისა და, ხშირად, საშრობი ტერიტორიის არარსებობის პირობებში, იტალიური დელიკატესის მომზადება ხდება სამზარეულოს პირობების ადაპტირებით.
პროცესი რომ დღეების განმავლობაში არ გაიწელოს. ჩვენი რედაქცია გთავაზობთ გამომშრალი პომიდვრის მომზადების დაჩქარებულ ვარიანტს. რამდენიმე ხრიკისა და საყვარელი ღუმლის წყალობით, ძალიან მოკლე დროში შეძლებთ ამ შესანიშნავი კერძით ტკბობას.
გამოშრობის დასაჩქარელად, გააცალეთ პომიდორს შიდა, წვნიანი ნაწილი. მათ ტომატის სოუსის მოსამზადებლად გამოიყენებთ. ასევე, მნიშვნელოვანია პომიდვრის სწორი სახეობის შერჩევაც – უპირატესობა ზეთწვნიან, ქლიავისებრ სახეობებს მიანიჭეთ.
გაითვალისწინეთ, რომ გამოშრობისას ბოსტნეულის მოცულობა და წონა რამდენჯერმე მცირდება. ამიტომ, 1 კგ პომიდვრისგან მხოლოდ 200-250 გ კერძს მიიღებთ.
ინგრედიენტები
- 1.5 კგ პომიდორი
- 3-4 ს.კ. იტალიური ბალახები
- 10 კბილი ნიორი
- 0.5 ჭიქა ზეითუნის ზეთი
- 1 ს.კ. მარილი
- როზმარინი გემოვნებით
მომზადება
1. პომიდვრები გარეცხეთ, გააშრეთ, გაჭერით შუაზე ან ოთხად. ჩაის კოვზის გამოყენებით, ამოაცალეთ წვნიანი ნაწილი.
2. საცხობ ფორმაზე დააფინეთ პერგამენტი, წაუსვით ზეთი და დაალაგეთ მასზე პომიდორი ჩაბრუნებული. მოაყარეთ მარილი უხვად, რადგან იგი ხელს უწყობს სითხის სწრაფ აორთქლებას. მოაყარეთ ბოსტნეულს იტალიური ბალახიც.
3. შედგით ღუმელი 200-220 გრადუსზე გახურებულ ღუმელში 30 წუთით. ჩართეთ კონვექცია. თუ ღუმელს ასეთი ფუნქცია არ აქვს, ოდნავ შეაღეთ კარი.
4. შეამცირეთ ტემპერატურა ღუმელში 140 გრადუსამდე და გააგრძელეთ გამოშრობა კიდევ 1.5 საათით, ოდნავ გახსნილი კარით. ამავდროულად, წვრილად დაჭერით ნიორი და ძალიან გააცხელეთ მცენარეული ზეთი: აადუღეთ, ოღონდ არ ხარშოთ.
5. გასტერილებულ მშრალ ქილაში მჭიდროდ, ფენებად ჩაალაგეთ პომიდვრის ნაჭრები, ნიორი და როზმარინის ღეროები. დაასხით პომიდორს ცხელი ზეთი, დაახურეთ თავსახური, გაახვიეთ პირსახოცში და გააჩერეთ ასე სრულ გაგრილებამდე. შეინახეთ კონსერვი მაცივარში.
თუ გამომშრალი პომიდვრების დიდი ხნით შენახვას არ აპირებთ, მოათავსეთ ამ ქილაში ფეტას კუბები. ყველი გაიჟღინთება ნივრის, პომიდვრისა და ბალახების არომატით და იქცევა გასაგიჟებელ დელიკატესად! მეორე დღეს კერძი უკვე მზად იქნება.
