გასული საუკუნის 60-იან წლებში თითოეული ამერიკელი დიასახლისის სამზარეულოში უჩვეულო ტორტი „კოლიბრი“ ნამდვილ ფურორს ახდენდა. დღეს გიამბობთ, თუ რატომ.
კერძების უმეტესობის შექმნა იდუმალ ისტორიებს უკავშირდება, ამ ტორტთან დაკავშირებით კი ყველაფერი ცხადია. რეცეპტი იამაიკელმა მზარეულებმა მოიფიქრეს. მათ კუნძულის სულის დესერტში გადმოცემა წარმატებით შეძლეს!
იმდროინდელი ტკბილეულობისგან ტორტი სიმსუბუქით და გამაგრილებელი ეგზოტიკური ხილის შემადგენლობით გამოირჩეოდა. სველი ბისკვიტი, ტკბილი ბანანი და წვნიანი ანანასი, დარიჩინის და მუსკატის კაკალის ნაზი სუნი… ტორტის თითოეული ნაჭერი პირში დნება!
ბისკვიტის შემადგენლობაში ფქვილი თითქმის არ შედის. მის ნაცვლად მცენარეული ზეთი და კარაქი გამოიყენება. ახალი ან დაკონსერვებული ანანასი გამოიყენება. კრემისთვის ყველაზე ცხიმიანი ნაღები და მაღალი ხარისხის შესქელებული რძე შეარჩიეთ.
ინგრედიენტები:
- 3 კვერცხი
- 400 გრ შაქარი
- 180 მლ მზესუმზირას ზეთი
- 390 გრ ხორბლის ფქვილი
- 1 ჩ/კ გამაფხვიერებელი
- 250 გრ ანანასი
- 1 ბანანი
- 1 ჩ/კ დარიჩინი
- 1 მწიკვი მარილი
- 1 ჩ/კ მუსკატის კაკალი
- 100 გრ ნიგოზი
- 700 გრ ხაჭოს ყველი
- 150 მლ ნაღები
- 100 გრ შესქელებული რძე
- 200 გრ შაქრის პუდრა
- 100 გრ კარაქი
- ვანილი გემოვნებით
მომზადება:
1. ბისკვიტი მოამზადეთ. ფქვილი გამაფხვიერებელთან ერთად გაცერით. ვანილი, დარიჩინი და მუსკატის კაკალი დაუმატეთ.
2. ღრმა თასში კუბებად დაჭრილი ანანასი, ჩანგლით დაჭყლეტილი ბანანი, დაქუცმაცებული ნიგოზი (1 მუჭა გასაფორმებლად დატოვეთ), კვერცხი, მცენარეული ზეთი და მარილი მოათავსეთ. მზა ფქვილის მასა დაუმატეთ და კარგად აურიეთ.
3. ცომი 3 ნაწილად გაყავით და 18 სმ დიამეტრის ფორმებში გადაანაწილეთ. 180 გრადუსამდე გახურებულ ღუმელში 40 წუთით აცხვეთ ბისკვიტის მომზადება ასანთის ჩხირით შეამოწმეთ. გაგრილებულ ბისკვიტს საკვები ცელოფანი დააფარეთ და 2 საათით მაცივარში შედგით.
4. კრემი მოამზადეთ. 500 გრ კარაქი, 100 გრ შაქრის პუდრა და ნაღები აფუებული მასის მიღებამდე ათქვიფეთ. 3 ეტაპად შესქელებული რძე დაუმატეთ. თითოეული დამატების შემდეგ კრემი 30 წამით ათქვიფეთ.
5. ტორტი ააწყვეთ. ბისკვიტის თითოეულ ფენას კრემი წაუსვით და დარჩენილი კრემით ბისკვიტს გარედან წაუსვით, მაცივარში 5 საათით შედგით.
6. მოსართავი კრემი მოამზადეთ. დარბილებული კარაქი დარჩენილ შაქრის პუდრასთან ერთად და მდნარ ყველთან ერთად ათქვიფეთ. მწიკვი ვანილი დაუმატეთ და კიდევ ერთხელ ათქვიფეთ.
7. გაჟღენთილ ტორტს სქელი კრემი წაუსვით და კაკლით მორთეთ.
ტორტის ბისკვიტის შემადგენლობაში ანანასი და ბანანი შედის, ამიტომ შეგიძლიათ ტორტი ამ ეგზოტიკური ხილებით გააფორმოთ. ფანტაზია ჩართეთ და თქვენს შედევრს მაღაზიაში ნაყიდისგან ვერ გაარჩევეენ.
