ბოლო დროს არაჟნით ხვეულებს ხშირად ვაცხობ. ხელმისაწვდომი ინგრედიენტებით მარტივი და სწრაფი ცომეული გამოდის. კარგია, რომ მარტივი ცომი თითქმის ნებისმიერ ტკბილ შიგთავსს ეთავსება. რას აირჩევთ: შოკოლადს, მოხარშულ შესქელებულ რძეს, ჯემს, კაკალს, ქიშმიშს თუ სხვა რამეს?
გაითვალისწინეთ, რომ ხვეულის მოსამზადებლად ცოტა მეტი ან ნაკლები ფქვილი შეიძლება დაგჭირდეთ. ყველაფერი მის ხარისხზე, არაჟნის ცხიმიანობასა და კვერცხის ზომაზეა დამოკიდებული. გირჩევთ, რომ ჯერ ფქვილის ნაწილი დაუმატოთ, შემდეგ დანარჩენი თანდათან დაუმატეთ, თან ცომის მასა აკონტროლეთ.
როგორ მოვამზადოთ ხვეულა შიგთავსით
შინ გამომცხვარი ხვეულა რომ გამოვიდეს, ცივი კარაქი, არაჟანი და კვერცხი გამოიყენეთ. კარაქი წინასწარ საყინულეშიც შეგიძლიათ შეინახოთ. სიტყვაზე, თუ ფხვიერი ცომის მომზადებისას ხელი გეღლებათ, ცივი კარაქი უბრალოდ შეგიძლიათ გახეხოთ.
ინგრედიენტები:
- 230 გ ხორბლის ფქვილი
- 70 გ კარაქი
- 1 კვერცხი
- მწიკვი ვანილი
- გარგარის ჯემი გემოვნებით
- 100 გ არაჟანი
- 50 გ შაქარი
- 1 ჩ/კ გამაფხვიერებელი
- მწიკვი მარილი
მომზადების წესი:
1. ფქვილი გაცერით. მარილი, შაქარი, გამაფხვიერებელი და ვანილი დაუმატეთ. მშრალ ინგრედიენტებს კარაქი დაუმატეთ და პროდუქტები ნაფშვენის მიღებამდე აურიეთ.
2. არაჟანი და კვერცხი დაუმატეთ. აურიეთ და ცომი მოზილეთ. ორ ნახევრად გაყავით, თითოეული პარკში გაახვიეთ და 40 წუთით მაცივარში შეინახეთ.
3. სამუშაო ზედაპირს ფქვილი მოაყარეთ და ცომის ნახევარი გააბრტყელეთ. 16 სამკუთხედად დაყავით. ფართო კიდეში ჯემი მოათავსეთ და ხვეულა დაახვიეთ. იგივე ცომის მეორე ნახევრით გაიმეორეთ.
4. ხვეულები პერგამენტდაფარებულ საცხობ ფორმაზე გადაიტანეთ. 180 გრადუსზე 10-15 წუთით აცხვეთ.
სანამ ხვეულებს ღუმელში მოათავსებთ, კვერცხი წაუსვით. ასე ცომეული მოწითალო გამოვა. გამომცხვარ ხვეულებს შაქრის ფხვნილი მოაყარეთ. ამ ცომეულის მომზადების კიდევ ერთი საიდუმლო: თუ მაცივარში ცომის დიდხანს ლოდინი არ გსურთ, 20 წუთით საყინულეში მოათავსეთ.
