ახლა, მარწყვი პოპულარობის პიკშია! თუმცა რა მნიშვნელობა აქვს, დესერტ კლაფუტში შეგიძლიათ გამოიყენოთ ნებისმიერი ხელმისაწვდომი კენკრა და ხილი: ალუბალი, ქლიავი, გარგარი, ატამი, ვაშლი და არა მხოლოდ.
ფრანგული ნამცხვარი
შეუძლებელია სიტყვებით აღწეროთ, ეს ღვეზელის, მობრაწულსა და ტორტს შორის რაღაც საშუალოა. ახლობლები კლაფუტზე შეუდარებელი გემოს და საინტერესო ტექსტურის გამო გიჟდებიან: ის მკვრივი, არა ფოროვანია და კენკრის არომატს შესანიშნავად ინარჩუნებს!
ინგრედიენტები:
- 0,5 კგ მარწყვი
- 100 გრ ფქვილი
- 60 გრ შაქარი
- 10 გრ მარილი
- 200 მლ რძე
- 4 კვერცხი
- 50 გრ კარაქი
მომზადება:
1. პატარა თასში ფქვილი, შაქარი და მწიკვი მარილი აურიეთ.
2. რძე დაასხით.
3. 4 კვერცხი დაუმატეთ და მიქსერით ათქვიფეთ.
4. კარაქი გაადნეთ და ნარევს დაუმატეთ.
5. კენკრა კარგად გარეცხეთ და ყუნწები მოაშორეთ.
6. თუ გასახსნელ ფორმას იყენებთ, კარაქი წაუსვით. თუ ფორმა მთელია, ფსკერზე სამზარეულოს ქაღალდი დააფინეთ და ასევე კარაქი წაუსვით. ფორმის ძირში კენკრა მოათავსეთ.
7. მზა ცომი ფრთხილად დაასხით.
8. დესერტი 200 გრადუსამდე გახურებულ ღუმელში 15-20 წუთით აცხვეთ. შემდეგ ტემპერატურა 180 გრადუსამდე დასწიეთ და ნამცხვარი კიდევ 30-40 წუთით აცხვეთ.
თქვენ ჩაიზე მისაყოლებლად რომელ დესერტს ამზადებთ? თქვენი გამოცდილება აუცილებლად გაგვიზიარეთ.
