დიასახლისების საზრიანობა ყოველთვის გვაოცებს. ზოგი საფირმო რეცეპტებს ქმნის და ოსტატურად ამზადებს, ზოგი ტრადიციული რეცეპტებით ხელმძღვანელობს, მაგრამ ამას უნაკლოდ აკეთებს. ზოგჯერ ვახშმის გამრავალფეროვნების, გემრიელის და უჩვეულოს მირთმევის სურვილი გვიჩნდება.
Gastronomia.ge–ს რედაქცია გიზიარებთ საოცარ კერძს, რომლის მომზადებას ნებისმიერი შეძლებს. ქათმის მობრაწულა კატლეტს ჰგავს, მაგრამ გარეგნულად უფრო ლამაზია. ხორციან პურს ან ქათმის ტერინსაც უწოდებენ.
როგორი გემო აქვს მობრაწულას ქათმის ფარშით
ქათმის მობრაწულა ძალიან ნაზი, სასიამოვნო ხორცის არომატით გამოდის. ფარშის სქელი ფენის წყალობით საკმარისად ნოყიერია. გამდნარი ყველის მოწითალო ქერქი ოჯახის წევრების ყურადღებას აუცილებლად მიიქცევს. სუფრაზე გატანამდე მობრაწულას საყვარელი მწვანილი მოაყარეთ.
ინგრედიენტები:
- 1 კგ ქათმის ფარში
- 1 ხახვი
- 4 ს/კ მანანის ბურღული
- 4 ს/კ კეტჩუპი
- 7 გ რეჰანი
- მარილი გემოვნებით
- 1 კვერცხი
- 3 კბილი ნიორი
- 150 მლ რძე
- 2 ს/კ ვუსტერის სოუსი
- 100 გ ხმელი ყველი
- შავი წიწაკა გემოვნებით
მომზადების წესი:
1. პირველ რიგში, ხახვი წვრილად დაჭერით, შემდეგ ნიორი დააქუცმაცეთ.
2. ქათმის ფარშს მანანის ბურღული, რძე, კეტჩუპი და კვერცხი დაუმატეთ. მარილი და წიწაკა გემოვნებით მოაყარეთ. რეჰანი დაუმატეთ.
3. ხორციან მასას აურიეთ. ხახვი და ნიორი დაუმატეთ.
4. ვუსტერის სოუსი (სოიოს სოუსიც გამოგადგებათ) დაასხით. საცხობ ფორმაში გადაიტანეთ ან ფოლგაში რულეტი გააკეთეთ.
5. კერძი 190 გრადუსზე 40 წუთით აცხვეთ. მზაობა კბილის ჩხირით შეამოწმეთ. რულეტს ცენტრში ჩაარჭეთ. წვენი სრულიად გამჭვირვალე უნდა იყოს.
6. რულეტს ზემოდან 1 ჭიქა კეტჩუპი მოასხით, ყველი მოაყარეთ და 220 გრადუსზე კიდევ 5 წუთით აცხვეთ.
მეტი პიკანტურობისთვის ორთქლზე დამუშავებული და დაჭრილი ჩირი (შავქლიავი ან გარგარის ჩირი) დაუმატეთ. ეს თქვენს გემოვნებაზეა დამოკიდებული. თუ ცხარე კერძი გიყვართ, ცოტა პაპრიკა მოაყარეთ.
