დღეს Gastronomia.ge-ს რედაქცია გთავაზობთ არომატულ დესერტს ჩაიზე მისაყოლებლად. სუფრაზეა სწრაფი თაფლის ორცხობილა. დესერტი რბილია და მასში თაფლის გემო კარგად იგრძნობა. ძალიან მარტივად მზადდება.
ინგრედიენტები:
- 2 კვერცხი
- 80 გრ კარაქი
- 2 ს/კ თაფლი
- 2 ს/კ შაქარი
- 1 ჩ/კ ცომის გამაფხვიერებელი
- 380 გრ ფქვილი
- 1 ჭიქა მიწისთხილი
მომზადების წესი:
1. მოცემული ინგრედიენტები მოიმარაგეთ.
2. კარაქი მიკროტალღურ ღუმელში ან გაზქურაზე გაადნეთ, შაქარი დაუმატეთ.
3. კვერცხი ჩატეხეთ და თაფლი დაუმატეთ. 1 კვერცხის ცილა პატარა თასში ჩაასხით და გვერდზე გადადეთ. მოგვიანებით ორცხობილაზე წასასმელად გამოიყენებთ.
4. კომპონენტების გაერთიანებამდე და შაქრის კრისტალების გახსნამდე აურიეთ. მიქსერით მუშაობა უფრო კომფორტულია, მაგრამ ხელითაც შეგიძლიათ.
5. გამაფხვიერებელი და ცომი დაუმატეთ.
6. რბილი ცომი მოზილეთ, რომელიც ხელზე არ მოგეკვრებათ. შესაგრძნებად სასიამოვნო, ნაზი და ხავერდოვანია. 20 წუთით მაცივარში შეინახეთ.
7. ცომი პატარა ბურთებად დაყავით, სულ 19 გამოვიდა.
8. მიწისთხილი და სხვა კაკალი მსხვილ ნაფშვენად დაფშვენით. ცომის ბურთებს ხელისგულებით დააჭირეთ, რომ კვერი მიიღოთ, ერთ მხარეს ათქვეფილი კვერცხის ცილა ფუნჯით წაუსვით. მიწისთხილის ნაფშვენში ჩადეთ და დააჭირეთ, რომ რაც შეიძლება მეტი მიეკვრას. ახლა საცხობ ფორმაზე გადაიტანეთ.
9. ცომის ყველა ბურთი ასე მოამზადეთ.
10. 160 გრადუსამდე გახურებულ ღუმელში 20 წუთით აცხვეთ. ორცხობილა ზომაში გაიზრდება და დასკდება.
11. სწრაფი თაფლის ორცხობილა მზადაა. ის რბილი და არომატულია.
გემრიელად მიირთვით!
