დღეს უკვე საჭირო არ არის, გამოცდილი მეთევზე იყო, შინ ნადავლი რომ მოიტანო, ამისათვის უბრალოდ ახლად გაყინული თევზის მაღაზიაში ყიდვა საკმარისია. კულინარიული კურსების დამთავრებაც სავალდებულო არ არის გემრიელი კერძის მოსამზადებლად – არსებობს “გასტრონომიას” საიტი. სამზარეულოში დიდ ხანს ტრიალიც არ მოგიწევთ – უგემრიელესი თევზის მოსამზადებლად, მასთან ერთად ლავაში და კარაქიც შეიძინეთ.
მსგავსი წესით მომზადებული თევზი მათაც გააოცებს, ვინც რესტორნებში მიირთმევს თევზის დელიკატესებს. მაშ ასე, შევუდგეთ საქმეს!
ინგრედიენტები
- 1 ც თევზი
- 2-3 ც ლავაში
- 100 გრ კარაქი
- 1 ც პომიდორი
- 1 კონა კამა
- თევზის სუნელები
- მარილი, შავი პილპილი გემოვნებით
მომზადება
1. გარეცხეთ და კარგად გაასუფთავეთ თევზი. გაჭერით სიგრძეზე.
2. დაჭერით რგოლებად პომიდორი.
3. დააფინეთ ლავაშები, წაუსვით კარაქი.
4. მოათავსეთ თევზი ერთ-ერთ მათგანზე, დაუმატეთ სუნელები და მარილი.
5. დაჭერით კარაქი კუბებად, მწვანილი – წვრილად. დატენეთ თევზი ამ ინგრედიენტებით, ასევე პომიდვრით.
6. შეახვიეთ თევზი ლავაშში. შემდეგ მეორე ლავაშში. თუ საკმარისი არ გამოდგა, გამოიყენეთ მესამე ლავაშიც. ბოლოს შეახვიეთ ფოლგაში.
6. შედგით 180 გრადუსამდე გახურებულ ღუმელში დაახლოებით 1 საათით.
ამ კერძის მოსამზადებლად გირჩევთ ნაკლებად ძვლიანი თევზი შეარჩიოთ. ლავაში კარგად იწოვს კარაქს და მწვანილის წვენს, ამიტომ კერძი რბილი და გემრიელი გამოდის. გაამრავალფეროვნეთ საოჯახო ვახშმები, მოამზადეთ სიამოვნებით და გაუზიარეთ რეცეპტი მეგობრებს!
