Gastronomia.ge-ს რედაქცია გთავაზობთ გემრიელი თაფლის ტორტის რეცეპტს, რომელიც ნაზი, რბილი და კარგად გაჟღენთილია.
ბისკვიტის ინგრედიენტები:
- 450-500 გრ ფქვილი
- 4 ს/კ თაფლი
- 0,5 ჩ/კ სოდა
- 5 კვერცხი
- 1 პაკეტი გამაფხვიერებელი
- 150 გრ შაქარი
კრემის ინგრედიენტები:
- 200 მლ ნაღები
- ვანილი
მომზადება:
- თაფლი სუსტ ცეცხლზე დადგით და ადუღებამდე მოხარშეთ, ცეცხლიდან გადმოდგით და სოდა დაუმატეთ და აურიეთ. გააგრილეთ.
- კვერცხი ფუმფულა ქაფის მიღებამდე ათქვიფეთ, შემდეგ თაფლის მასას აურიეთ და სათქვეფით ათქვიფეთ.
- გამაფხვიერებელი დაუმატეთ, აურიეთ და ნაწილ–ნაწილ გაცრილი ფქვილი დაუმატეთ.
- საცხობ ფორმას პერგამენტის ქაღალდი დააფინეთ და ცომი ჩაასხით, გაათანაბრეთ.
- 170 გრადუსამდე გახურებულ ღუმელში შეწითლებამდე აცხვეთ.
- კრემისთვის ნაღები და ვანილი აურიეთ და ფუმფულა მასის მიღებამდე ათქვიფეთ.
- გაგრილებული ბისკვიტი სამ ნაწილად დაყავით და შემდეგ თითოეული შუაზე გაჭერით.
- ჩამოჭრილი კიდეები დაფშვენით.
- ტორტი ააწყვეთ. ბისკვიტის ფენას კრემი წაუსვით და ნაფშვენი მოაყარეთ.
- მზა ტორტი რამდენიმე საათით მაცივარში შეინახეთ. გემრიელად მიირთვით!
