ბლინების რულეტი მოხარშული კრემით მათთვის, ვისაც ნაკლები ტკბილეულის ჭამა სურს

223

ჩვეულებრივ, როცა მესმის ფრაზა „ტკბილი რულეტი“ მაშინვე ბისკვიტის დესერტი კარაქიანი კრემით წარმომიდგენია. ვფიქრობ, სახლში ასეთი ტკბილეულის მომზადება რთულია. ცომი ფაფუკი და ჰაეროვანი უნდა გამოვიდეს, ეს კი იშვიათად ხდება. ერთი კრეატიული მზარეულის საინტერესო ბლოგი ვნახე, სადაც ბლინების რულეტს ამზადებდა.

რეცეპტი მომზადების სიმარტივით, ნაკლები ცხიმით და მზა პროდუქტის სასიამოვნო კონსისტენციით მომეწონა. მარტივი ტექნოლოგია დაიცავით და თქვენთვის და მეგობრებისთვის საინტერესო დესერტს შექმნით.

ინგრედიენტები:

  • 450 მლ რძე
  • 1 კვერცხის გული
  • 45 გ სიმინდის სახამებელი
  • 1 ს/კ კაკაოს ფხვნილი
  • შაქარი გემოვნებით
  • 1 კვერცხი
  • 25 გ ბრინჯის ფქვილი
  • 1 ჩ/კ მზესუმზირის ზეთი
  • მწიკვი მარილი
  • ვანილი გემოვნებით

მომზადების წესი:

1. ბლინებისთვის თხელი ცომი მოამზადეთ. 150 მლ რძე, კვერცხი, ბრინჯის ფქვილი, 25 გ სახამებელი, მცენარეული ზეთი, კაკაო, შაქარი და მარილი აურიეთ. სათქვეფით ათქვიფეთ ან მიქსერით, სანამ ყველა გრანულა არ გაიხსნება.

2. ახლა თხელი ცომი უნდა შეწვათ. ჩამჩით ნაწილი ტაფაზე დაასხით და ერთი მხრიდან დაახლოებით 40 წამით შეწვით, შემდეგ ამდენი დროით მეორე მხრიდან.

3. ბლინის რულეტს მოხარშული კრემით ვამზადებთ. მის მომზადებას შეუდექით. ყველა ინგრედიენტი ცომის მსგავსად გააერთიანეთ. 300 მლ რძე აიღეთ, კვერცხის გული ცილისგან დააცალკევეთ და რძეს დაუმატეთ. ამ ნარევს 20 გ სახამებელი, ვანილი და შაქარი დაუმატეთ. ერთგვაროვანი მასის მიღებამდე კარგად აურიეთ. თხელი კრემი საშუალო ცეცხლზე გასქელებამდე ხარშეთ. ნარევს მუდმივად ურიეთ, რომ არ დაკორკოტდეს. ბუშტების გაჩენამდე ხარშეთ. კიდევ 3 წუთით ხარშეთ და ქურიდან გადადგით. კრემს გაგრილება აცადეთ.

4. როცა დესერტის ელემენტები სრულად გაცივდება, ააწყვეთ. სწორ ზედაპირზე ბლინი გაშალეთ, კრემი წაუსვით, შემდეგ კიდევ ერთი ბლინი, ზემოდან ისევ კრემი. ასეთი თანმიმდევრობით გააგრძელეთ.

5. მიღებული ტორტი რულეტივით დაახვიეთ. პარკში გაახვიეთ და 30 წუთით მაცივარში მოათავსეთ. ასე დესერტი კარგად გამაგრდება და ნაჭრებად ადვილად დაჭრით.

გემრიელი და ორიგინალური დესერტი ასე მარტივად შეგიძლიათ მოამზადოთ. ბლინების რულეტი კარგია მათთვის, ვინც ტკბილ დესერტებზე უარს ამბობს და სხეულის ფორმებს აკონტროლებს.