მეგრულ ხარჩოს დიდი წარდგენა არ სჭირდება, მას როგორც წესი, საქონლის ხორცისგან ამზადებენ. სქელი და არომატული წვნიანი შესანიშნავად უხდება ღომს ან მჭადს. „გასტრონომიას“ რედაქცია დარწმუნებულია: ისე არაფერი ათბობს ცივ ზამთარში, როგორც კარგად მომზადებული ხარჩო. მოამზადეთ და თავად დარწმუნდით!
ინგრედიენტები
- 1 კგ საქონლის ხორცი
- 2-3 ც ხახვი
- 500 გრ პომიდორი
- 350 გრ ნიგოზი
- 3-5 კბილი ნიორი
- 1 ს.კ. მჭადის ფქვილი
- მარილი, ზაფრანა, ხმელი სუნელი, პაპრიკა გემოვნებით
მომზადება
- გარეცხეთ და დაჭერით ხორცი პატარა ნაჭრებად. ჩაყარეთ ქვაბში, დაასხით 1 ჭიქა წყალი და მოთუშეთ ნელ ცეცხლზე 30 წუთის განმავლობაში.
- დაამატეთ დაჭრილი ხახვი, მარილი და შეწვით სანამ არ დარბილდება. დაამატეთ ფქვილი და მოურიეთ.
- დაჭერით წვრილად პომიდორი და მოთუშეთ 3-5 წუთი. დაასხით 500 მლ მდუღარე წყალი და აადუღეთ.
- მოამზადეთ ნიგვზის პასტა. გაატარეთ ნიგოზი, დაუმატეთ მარილი და სუნელები, ცოტაოდენი წყალი და მოურიეთ ერთგვარი მასის მიღებამდე.
- დაამატეთ ხორცში ნიგვზის მასა და დაჭყლეტილი ნიორი. წამოადუღეთ და კიდევ 4-5 წუთი ხარშეთ.
საუცხოო და არომატული ხარჩო მზადაა! თუ უფრო ცხარე გიყვართ, დაუმატეთ აჯიკა. შეგიძლიათ ვირუსებზე და გაციებაზე დაივიწყოთ: სიცხარე გამოდევნის ვირუსებს ორგანიზმიდან. გაუზიარეთ ეს რეცეპტი მეგობრებს!
