ჩანახი სასურველია მომზადეს თიხის ჭურჭელში, თუ არ გვაქვს უდრო დიდი გულით და ბარაქიანი ხელით გავაკეთოთ, რომ გემოთი არანაკლები გამოგვივიდეს.
ჩანახი თიხის ჯამებში კეთდება ასე:
მომზადების წესი:
თითოეულ თიხის ჯამზე მოვათავსოთ თხლად დაჭრილი (დაახლოებით საჩვენებელი თითის სისქის) მსუქანი ხორცის მოზრდილი ნაჭრები, 2 ცალი საშუალო ზომის მთლიანი პამიდორი (კანიანად), ერთი ცალი ბადრიჯანი და 2 ცალი კარტოფილი (სიგრძეზე ორად გაჭრილი), მოვაყაროთ მარილი.
ბადრიჯანი მოვამზადოთ ასე:
- მოვაჭრათ თავი, ჩავუჭრათ მუცელი და მუცლის ღრუში ჩავაწყოთ მარილმოყრილი ცხვრის დუმის ნაჭრები, ნივრის ორი მომცრო ნაჭერი, წვრილად დაჭრილი ხახვი, ოხრახუში და რეჰანი.
- ჯამი შევდგათ ჰაერღუმელში და შევწვათ ხორცის გაწითლებამდე. სუფრაზე მივიტანოთ ჯამებითვე ცალ-ცალკე თითოეულ ადამიანზე. თუ ამის გაკეთების საშუალება არ არის, ჩანახი გავაკეთოთ ქვაბში.
- მოვამზადოთ ბადრიჯნები ისე, როგორ ზემოთ ავღნიშნეთ, დავჭრათ ხორცი შედარებით უფრო პატარა ნაჭრებად.
- ქვაბის ძირზე ერთ ფენად დავაწყოთ ხორცი, მოვაყაროთ მარილი, შემდეგ დავაწყოთ ხორცი, მოვაყაროთ მარილი, შემდეგ დავაწყოთ მეორე ფენად ბადრიჯნები სატენით, შემდეგ მთელ-მთელი პამიდორები, ისევ ხორცი და ასე ბოლომდე. ზემოდან მოვაყაროთ დაჭრილი ხახვი, ოხრახუში და რეჰანი.
- ჩავასხათ მეოთხედი ჩაის ჭიქა წყალი და შევდგათ ჰაერღუმელში თავდახურული. 1 ½ საათის შემდეგ გამოვიღოთ და ფრთხილად ამოვალაგოთ ლანგარზე.
