მოამზადეთ ზამთრისთვის უგემრიელესი კომპოტი ხურტკმელისგან. იგი გემოთი მოჰიტოს მოგაგონებთ, სწორედ აქედან მომდინარეობს მისი სახელიც. კომპოტი ძალიან გემრიელი და არომატულია. მოცემული რაოდენობის ინგრედიენტებით კომპოტს მოამზადებთ 1 სამლიტრიანი ქილით.
პირველი ვარიანტი
- 2 ჭიქა ხურტკმელი
- 2 ც ლიმონის ნაჭერი
- 3 ღერო პიტნა
- 250 გრ შაქარი
- წყალი
მეორე ვარიანტი
- 2 ჭიქა ხურტკმელი
- 2 ც ლიმონის ნაჭერი
- 250 გრ შაქარი
- 3 ღერო ბაზილიკა
- წყალი
მომზადების წესი
- დაასტერილეთ ქილა და გარეცხეთ ხურტკმელი. მზა კენკრა მოათავსეთ ქილებში, დაუმატეთ ლიმონის ნაჭრები. შემდეგ ერთ ქილაში დაუმატეთ ბაზილიკის ღეროები, ხოლო მეორეში-პიტნის.
- ყველა მზა პროდუქტს დაასხით მდუღარე წყალი და გააჩერეთ 30 წუთით. დროის გასვლის შემდეგ ჩაყარეთ ქვაბში შაქარი და დაასხით ქილაში არსებული წყალი. სხვადასხვა გემოს მქონე წყალი აუცილებლად სხვადასხვა ქილებში მოათავსეთ!
- ქვაბები დაადგით ცეცხლზე და მოადუღეთ. დამატებით 1 წუთით ადუღეთ და შემდეგ კვლავ ქილებში ჩაასხით. მოხუფეთ ქილები, შემოახვიეთ ხელსახოცი და გააჩერეთ ასეთ მდგომარეობაში, სანამ ბოლომდე არ გაცივდება.
გემრიელად მიირთვით!
