ხაჭაპური – ეს საქართველოს სამზარეულოს ცნობილი კერძია. ის არამარტო საქართველოში, არამედ მთელს მსოფლიოში დიდი პოპულარობით სარგებლობს.
ამ კერძის უამრავი რეცეპტი არსებობს, მაგრამ ამ რეცეპტს მე უდიდეს რეკომენდაციას ვუწევ.
მე ძალიან ხშირად ვამზადებ ამ კერძს და ყოველ ჯერზე ხელახლა მიყვარდება ის.
ინგრედიენტები
- 3 ჭიქა ხორბლის ფქვილი
- 1 ჭიქა კეფირი
- 2 კვერცხი
- 1 ჩაის კოვზი მარილი
- 1 ჩაის კოვზი შაქარი
- 0,5 ჩაის კოვზი სოდა
- 1 სუფრის კოვზი მცენარეული ზეთი
- 400გ ყველი
- 50გ კარაქი
მომზადება
- კეფირს დაუმატეთ 1 კვერცხი, შაქარი, მარილი და მცენარეული ზეთი. კარგად მოურიეთ.
- გაცერით 2 ჭიქა ფქვილი, დაუმატეთ სოდა, მოურიეთ და შეურიეთ კეფირის მასას.
- მოზილეთ ცომი და დაუმატეთ ფქვილი, იმდენი, რამდენსაც მოითხოვს ცომი.
- ცომი ოდნავ უნდა გეკრობოდეთ ხელზე. ცომს დააფარეთ ხელსახოცი და დაელოდეთ.
- მოვამზადოთ შიგთავსი. გახეხეთ ყველი, დაუმატეთ კვერცხი და მოურიეთ.
- ცომს მიეცით ძეხვის ფორმა და გაჭერით 7 ნაწილად.
- დაამრგვალეთ ცომის ნაწილები და გააბრტყელეთ.
- თითოეულ ნაწილში მოათავსეთ შიგთავსი.
- ცომის ბოლოეი შეკრიბეთ და ცენტრში შეაერთეთ.
- ხაჭაპური გადმოაბრუნეთ და ოდნავ გააბრტყელეთ, ისევ გადმოაბრუნეთ და გააბრტყელეთ.
- შეწვით ხაჭაპური ზეთის გარეშე თავსაფრის ქვეშ.
- ცხლად წაუსვით კარაქი.
გემრიელად მიირთვით!
