თხელი ლავაში ნებისმიერი დიასახლისის ნამდვილი მხსნელია. ეს ორიგინალური სამკუთხედი კონვერტი სწრაფად მოსამზადებელი და წარმოუდგენლად გემრიელი ცხელი წასახსემებელია.
ხრაშუნა კონვერტები გოგრით – რაღაც შემოდგომურად: ფერადი და წვნიანი! ცომს მომზადება არ სჭირდება, შიგთავსის გემო წარმოსახვას აოცებს, ხოლო ღვეზელის ფენები დახვევის განსაკუთრებული მეთოდის ხარჯზე უზრუნველყოფილია.
ლავაშის კონვერტები გოგრით
ინგრედიენტები:
- 2 თხელი ლავაში
- 200 გრ გოგრა
- 1 ხახვი
- 100 გრ ბუჟენინა
- 3 კბილი ნიორი
- 1 მწიკვი ხმელი ბეგქონდარა
- 2 პომიდორი
- 100 გრ გახეხილი ხმელი ყველი
- 3 ს/კ ნებისმიერი ცხიმიანობის არაჟანი
- 1 კვერცხის გული (წასასმელად)
მომზადება:
1. გოგრა ქერქისგან გაასუფთავეთ, თესლი მოაშორეთ და კუბებად დაჭერით. ხახვი დააქუცმაცეთ.
2. ხახვი შეწვით, გოგრა დაუმატეთ, მარილი და ბეგქონდარა მოაყარეთ, თავსახური დაახურეთ და 10 წუთით თუშეთ. ბოსტნეულს დაჭრილი ბუჟენინა და დაქუცმაცებული ნიორი დაუმატეთ.
3. ლავაში ზუსტად 35×10 სმ ზოლებად დაჭერით.
4. თითოეულ ზოლს არაჟანი წაუსვით. კუთხეში პომიდვრის ნაჭერი, 1 ს/კ მზა გოგრის შიგთავსი და 1 მუჭა გახეხილი ყველი მოათავსეთ. კუთხე დახარეთ და დაახვიეთ. დახრის კუთხე ხშირად შეცვალეთ.
5. მიღებული კონვერტები საცხობ ფორმაზე მოათავსეთ, კვერცხის გული წაუსვით და 150 გრადუსამდე გახურებულ ღუმელში 7-10 წუთით შეწითლებამდე აცხვეთ.
ლავაშის სამკუთხა წასახემსებელი მარტივად შეგიძლიათ ტაფაზე შეწვათ, მაგრამ ასე კერძი ბევრად კალორიული გამოვა.
მოამზადეთ გემრიელი სასუსნავი ფერადი შიგთავსით: ის განწყობას აგიმაღლებთ თქვენც და თქვენს ახლობლებსაც! რეცეპტი მეგობრებს სოციალურ ქსელში აუცილებლად გაუზიარეთ!
