გასტრონომია დღეს უგემრიელესი ვაშლის ხვეულების რეცეპტს გთავაზობთ. მოამზადეთ და გაახარეთ ოჯახის წევრები ტკბილი და ჰაეროვანი დესერტით.
ინგრედიენტები:
- 6 ვაშლი, გათლილი, გულამოცლილი და კუბებად დაჭრილი
- 2 ფინჯანი (500 მლ)
- სიდრი (ვაშლის ღვინო)
- 1 ჩაის კოვზი დარიჩინი
- 250 გ მზა ფენოვანი ცომი, გამლღვალი
- 1 დიდი კვერცხი, ოდნავ ათქვეფილი
- 125 მლ ცხიმიანი ნაღები
ულუფა: 4
მომზადება: 45 წუთი
ცხობა: 30 წუთი
დონე: 2
მომზადების წესი:
- გააცხელეთ ელექტროღუმელი 230 გრადუსზე.
- საცხობ ფურცელს კარაქი წაუსვით.
- საშუალო ზომის ქვაბში მოათავსეთ ვაშლი, სიდრი, შაქარი და დარიჩინი. დაბალ ცეცხლზე 15 წუთი ადუღეთ.
- გადაწურეთ და ჩანგლით დასრისეთ.
- ცომი ოდნავ ფქვილმოყრილ დაფაზე, 3მმ სისქეზე გააბრტყელეთ. გამოჭერით 4 ცალი 13 მმ დიამეტრის რგოლი.
- ცომის ნაჭრები საცხობ ფურცელზე გადაიტანეთ, ჩანგლით დაჩხვლიტეთ და კიდეები წყლით დაუნამეთ.
- ცომის რგოლების ცენტრში მოათავსეთ ვაშლის გულსართი. გადაკეცეთ ორად და კარგად დააწებეთ. თავზე გადაუსვით ათქვეფილი კვერცხი.
- აცხვეთ 15 წუთი ან სანამ ოქროსფერ – ყავისფერი არ გახდება და გაფუვდება.
- ხვეულები სუფრაზე თბილი მიიტანეთ ათქვეფილ ნაღებთან ერთად, მორჩენილი ვაშლის გულსართი კი გვერდით დაუდეთ.
გემრიელად მიირთვით!
