ამიშები ძველი ხალხია, რომელიც საკუთარ ტრადიციებს მოწიწებით იცავს. ეს კულინარიაშიც გამოიხატება, ამიტომ სხვადასხვა კერძების მომზადების საიდუმლო მეთოდები თაობიდან თაობას გადაეცემა. დღეს გთავაზობთ ღუმელში გამომცხვარი ღვეზელის ცომის რეცეპტს ამიშების ტექნოლოგიით.
ცომი მშვენიერია არა ხრაშუნა ქერქით, არამედ იმით, რომ აბსოლუტურად ნებისმიერი შიგთავსი უხდება. ყოველთვის წარმატებული ღვეზელი ოჯახს გაახარებს. რატომ არ უნდა სცადოთ?
ცომის რეცეპტი ღუმელში გამომცხვარი ღვეზელისთვის
ინგრედიენტები:
- 2 ჭიქა ფქვილი (სიმწარის გარეშე)
- 1 ჩ/კ მარილი
- 0,5 ჭიქა მცენარეული ზეთი
- 50 მლ რძე (2% ცხიმიანობით)
მომზადება:
1. პირველ რიგში, თასში ფქვილი ჩაყარეთ. საინტერესოა, რომ ამიშები თითოეული ჭიქიდან 1 კოვზ ფქვილს იღებენ. სასურველია, ამ პრინციპს მისდიოთ. ფქვილს მარილი დაუმატეთ და აურიეთ.
2. ცალკე ჭურჭელში ზეთი ჩაასხით. აქვე რძე დაუმატეთ და აურიეთ. მიღებული ნარევი ფქვილს დაუმატეთ, კარგად აურიეთ და სქელი ცომი მოზილეთ. მუშაობა რომ გაგიადვილდეთ, ხელებზე ზეთი წაისვით.
3. ცომი გააბრტყელეთ, შემდეგ 2 თანაბარ ნაწილად გაყავით. ერთ–ერთი ცომის ნაწილი 2 ფირფიტას, მაგალითად პერგამენტის ქაღალდებს შორის მოათავსეთ. საგორავით საჭირო ზომამდე გააბრტყელეთ.
4. გაითვალისწინეთ, მიღებული ცომის ფენა ფორმაზე უფრო დიდი და კიდიდან რამდენიმე სანტიმეტრით დაშორებული უნდა იყოს. ცომის ფენა ფორმაში მოათავსეთ და გვერდებზე კარგად მიაკარით.
5. აქვე ნებისმიერი შიგთავსი (ჩვენ ვაშლს ვიყენებთ) მოათავსეთ. შეგიძლიათ კარაქის ნაჭერი დაუმატოთ – ასე კიდევ უფრო გემრიელი გამოგივათ.
6. ახლა იმავე ფირფიტებით ცომის მეორე ნაწილი გააბრტყელეთ. ღვეზელს მეორე ფენა ფრთხილად დააფარეთ. კიდეები შეკარით. თითებით კარგად მუშაობა მოგიწევთ.
7. ზემოდან ჩანაჭერის გაკეთება არ დაგავიწყდეთ, რომ ნაწარმიდან ორქთლმა გამოსვლა შეძლოს. ზემოდან შეგიძლიათ შაქარი მოაყაროთ ან ათქვეფილი კვერცხის გული წაუსვათ. 200 გრადუსამდე გახურებულ ღუმელში 50-55 წუთით აცხვეთ. გემრიელად მიირთვით!
ღვეზელი საკმაოდ სწრაფად და მარტივად მზადდება. საქმე შეგიძლიათ ბავშვსაც ანდოთ. ამასთან შედეგი ნამდვილად გაგახარებთ. შიგთავსით ექსპერიმენტები ჩაატარეთ, ყოველ ჯერზე ახალ კერძს მიიღებთ.
