Gastronomia.ge-ს რედაქცია გთავაზობთ მორიგ გემრიელ ტორტს თაფლით და შოკოლადით.
ინგრედიენტები:
- 0,6 კგ ხორბლის ფქვილი
- 150 გრ თაფლი
- 0,15 კგ შაქარი
- 150 გრ კარაქი
- 30 გრ კაკაოს ფხვნილი
- 3 კვერცხი
- 1 ჩ/კ სოდა
კრემის ინგრედიენტები:
- 600 ან 700 გრ არაჟანი (ცხიმიანი)
- 1 ქილა შესქელებული რძე
- შაქრის ფხვნილი სურვილისამებრ
მომზადების წესი:
- ფქვილი და კაკაოს ფხვნილი ერთად გაცერით.
- ცალკე თასში 150 გრ კარაქი გაადნეთ.
- უმი კვერცხი შაქართან ერთად მსუბუქად ათქვიფეთ.
- 150 გრ ნატურალური თაფლი შეათბეთ, მაგრამ არ აადუღოთ. სოდა დაუმატეთ და აურიეთ.
- კარაქი და კვერცხი, შემდეგ თაფლი აურიეთ. ბოლოს კაკაოს და ფხვნილის ნარევი დაუმატეთ.
- ცომი ჯერ ჭურჭელში მოზილეთ, შემდეგ სამუშაოს ზედაპირზე.
- ცომი ელასტიური და რბილი უნდა გამოვიდეს.
- მთელი მოცულობა 12 ნაჭერად დაყავით, თითოეული ძეხვივით დაამრგვალეთ, პარკი დააფარეთ და გააჩერეთ.
- პერგამენტს ფქვილი მოაყარეთ და მორიგეობით თითოეული გააბრტყელეთ. სულ 12 ცომის ნაჭერი გამოვა. წრის დიამეტრი – 23 სმ.
- ამის შემდეგ ბისკვიტის ფენები თანაბრად გადაჭერით. ღუმელი 160-180 გრადუსამდე გააცხელეთ.
- სანამ ბისკვიტის ფენებს გამოაცხობთ, რამდენიმე ადგილას ჩახვლიტეთ.
- შემდეგ გამომცხვარი ფენები გააგრილეთ. ბოლო ფენა იმ ნაჭრებიდან გამოაცხვეთ, რომელიც გადაჭერით. დეკორისთვის გამოგადგებათ.
- კრემისთვის ცხიმიანი არაჟანი და შესქელებული რძე აიღეთ. ერთად ათქვიფეთ.
- თუ სურვილი გაქვთ, ცოტა შაქრის ფხვნილი დაუმატეთ.
- ტორტი აარწყვეთ.ფენებს შორის არაჟნის კრემი წაუსვით. ამის შემდეგ ცოტა ხნით გააჩერეთ, რომ კარგად გაიჟღინთოს. ტორტი მზადაა, შეგიძლიათ სუფრაზე გაიტანოთ.
რჩევა: კარგი იქნება, თუ ტორტის ზედა ნაწილს დარჩენილ კრემს წაუსვამთ და ბოლოს გამომცხვარი დაჭრილი ნარჩენებით ისე გააფორმებთ, როგორც ფანტაზია მიგანიშნებთ.
თავად მიირთვით და ახლობლებიც დაპატიჟეთ!
