შოკოლადის ტორტი, რომელსაც გამოცხობა არ სჭირდება, ძალიან ადვილად მზადდება და უგემრიელესი გამოდის.
ინგრედიენტები
- 500 გრ რძის ფხვნილი
- 5 ს.კ. კაკაო (ან უფრო მეტი)
- 250 გრ დარბილებული კარაქი
- 1 ჭიქა წყალი
- 6 ს.კ. შაქარი
- 4-5 სტანდარტული ორცხობილას შეფუთვა
მომზადების წესი
- პირველ რიგში, შეურიეთ ერთმანეთს კაკაო და შაქარი, დაუმატეთ რძის ფხვნილი და კარაქი და კარგად მოურიეთ, რომ მიიღოთ ერთგვაროვანი კონსისტენცია.
- შემდეგ დაადგით წყალი ქურაზე და გახსენით მასში შაქარი (არ აადუღოთ). მიღებული სიროფი გააცივეთ და შეურიეთ კარაქისა და რძის ფხვნილის ნაზავს. კონსისტენცია აუცილებლად უნდა იყოს რბილი და ერთგვაროვანი.
- აიღეთ საცხობი ფორმა (უმჯობესია იყოს ოთხკუთხედი), მოათავსეთ მასში საკვები ცელოფანი და ჩაალაგეთ ორცხობილა ზემოდან კი შოკოლადის მასა მოათავსეთ.
- გაიმეორეთ იგივე მოქმედება, სანამ ინგრედიენტები არ გამოგელევათ. ბოლო ფენა, რა თქმა უნდა, შოკოლადის უნდა იყოს.
- შოკოლადის ტორტი მოათავსეთ მაცივარში, სანამ ბოლომდე არ გაცივდება. როდესაც ტორტი გაცივდება, შეგიძლიათ ზემოდან ნაღებისგან, შედედებული რძისგან და შაქრის პუდრისგან მომზადებული მინანქარი მოასხათ.
გემრიელად მიირთვით!
