ყაბაყი და შოკოლადი საკმაოდ უჩვეულო კომბინაციაა, რომლის ჭამას ყველა ვერ გაბედავს. რომ იცოდეთ, რა გემრიელია, თქვენი ოჯახის ერთ–ერთი საყვარელი დესერტი გახდებოდა. გამოაცხვეთ შოკოლადის მაფინები ყაბაყით და ნახეთ, თუ მოგეწონებათ ასეთი თამამი კომბინაცია.
ასეთი დესერტის მომზადება გულისხმობს მაფინის ცომის მოზელას შოკოლადით. დესერტის ხიბლია ის, რომელიც ზემოთ აღვნიშნეთ, გახეხილი ბოსტნეულის დამატება.
როგორ გამოვაცხოთ შოკოლადის მაფინები ყაბაყით
სანამ გახეხილ ყაბაყს ცომს დაუმატებთ, მოამზადეთ. ბოსტნეული აუცილებლად გათალეთ, თუნდაც თხელი კანი ჰქონდეს. გახეხეთ და 10-15 წუთი გააჩერეთ. ამ დროში წვენი გამოვა, რომელიც უნდა გადაასხათ. შემდეგ ყაბაყი დანარჩენ ინგრედიენტებს დაუმატეთ.
ინგრედიენტები:
- 400 გ ყაბაყი
- 1 ჩ/კ გამაფხვიერებელი
- 100 გ მზესუმზირის ზეთი
- 3 გ ვანილი
- 300 გ ხორბლის ფქვილი
- 1 მწიკვი მარილი
- 90 გ შავი შოკოლადი
- 100 გ კარაქი
- 1 ჭიქა შაქარი
- 2 კვერცხი
- 100 გ არაჟანი
- 6 ს/კ კაკაოს ფხვნილი
მომზადების წესი:
1. ყაბაყი გათალეთ. თესლი მოაშორეთ. ბოსტნეული წვრილად გახეხეთ. 10 წუთი ოთახის ტემპერატურაზე გააჩერეთ, შემდეგ წვენისგან გაწურეთ.
2. გაცრილი ხორბლის ფქვილი და გამაფხვიერებელი ღრმა თასში აურიეთ. მარილი და კაკაოს ფხვნილი დაუმატეთ და კარგად აურიეთ.
3. ცალკე თასში რბილი კარაქი და შაქარი აურიეთ. ოდნავ ათქვეფეთ. მზესუმზირის ზეთი და სოდა დაუმატეთ. კარგად აურიეთ.
4. კარაქის ნარევს კვერცხი, არაჟანი და ვანილი დაუმატეთ. ერთგვაროვანი მასის მიღებამდე აურიეთ. თანდათან მშრალი ინგრედიენტები დაუმატეთ და კარგად აურიეთ.
5. შავი შოკოლადი პატარა ნატეხებად დატეხეთ. შოკოლადი და გახეხილი ყაბაყი ცომს დაუმატეთ. ერთგვაროვანი მასის მიღებამდე აურიეთ.
6. ცომი მაფინების ფორმებში გადაანაწილეთ. საცხობ ფორმაზე დააწყვეთ და 180 გრადუსამდე გახურებულ ღუმელში 25-30 წუთი აცხვეთ. მზადაა!
ჯადოსნური მაფინები ყაბაყით ჩაიზე მისაყოლებლად შეგიძლიათ გაიტანოთ. არ უთხრათ ოჯახის წევრებს, რომელი უჩვეულო ინგრედიენტი დაუმატეთ დესერტს. დაე, გამოცნობა სცადონ.
