გამოცდილი დიასახლისისთვის შეუძლებელი არაფერია. აი, პეკინური კომბოსტო შესანიშნავი ინგრედიენტებია სალათებისთვის, მაგრამ თუ ოდნავ ფანტაზიას ჩართავთ, ახალ ამპლუაში წარდგება. პეკინური კომბოსტოს შემწვარი რულეტები – ახალი სიტყვაა ცხელ ხემსებში.
აირჩიეთ კომბოსტოს დიდი თავი, მეტი ფურცლების მისაღებად. პომიდორი უმჯობესია ნაკლებად წვნიანი იყოს. და თუკი წვნიანი შეგხვდათ, გაჭერით და ქაღალდის ხელსახოცზე დაალაგეთ ზედმეტი სითხის მოსაცილებლად.
ინგრედიენტები
- 1 კგ პეკინური კომბოსტო
- 4 კვერცხი
- 3 ს.კ. ფქვილი
- 2 ც. პომიდორი
- 2 ს.კ. ზეთი
- 200 გრ მაგარი ყველი
- 3 ს.კ. არაჟანი
- 1 კონა მწვანილი
- მარილი, შავი პილპილი გემოვნებით
მომზადება
1. დაყავით კომბოსტო ფოთლებად, მოაცილეთ მაგარი ნაწილები. კლიარისთვის ათქვიფეთ კვერცხი, ფქვილი, მარილი და პილპილი.
2. ამოავლეთ ფოთლები კლიარში და შეწვით ზეთში ორივე მხრიდან თითო წუთის განმავლობაში. დაალაგეთ ერთმანეთზე ქაღალდის ხელსახოცზე.
3. შიგთავსისთვის დაჭერით პომიდორი კუბებად, დაუმატეთ გახეხილი ყველი, არაჟანი, მწვანილი, მარილი და პილპილი.
4. მოათავსეთ ფოთლების კუთხეებში შიგთავსი, შეახვიეთ რულეტები, დააწყვეთ ფართო თეფშზე და მიირთვით!
ყველი კერძს სინაზეს სძენს, პომიდორი და მწვანილები – ახალისებს. შიგთავსი შეგიძლიათ გემოვნების მიხედვით გაამდიდროთ. მოამზადეთ სიამოვნებით და გაუზიარეთ რეცეპტი მეგობრებს!
