ეს კლასიკური ნამცხვარია, რომელსაც ბევრჯერ გამოაცხობთ. იგი დილის ჩაისთან, ყავასთან ან დღის ჩაისთან მიირთვით.
ინგრედიენტები:
ბისკვიტისთვის:
- 375 გ თეთრი ფქვილი
- 2 ჩ.კ. გამაფხვიერებელი
- 2 ჩ.კ. სოდა
- 1/2 ჩ.კ. მარილი
- 250 გ (1 ჭიქა) უმარილო, დარბილებული კარაქი
- 200 გ (1 ჭიქა) შაქარი
- 3 კვერცხი
- 250 მლ (1 ჭიქა) არაჟანი
მინანქრისთვის:
- 1 ს.კ. ხსნადი ყავა
- 2-3 ს.კ. ადუღებული წყალი
- 300 გ შაქრის პუდრი
- 60 გ მარილიანი კარაქი, პატარა ნაჭრებად დაჭრილი
მომზადების წესი:
- ბისკვიტი: წინასწარ გაახურეთ ღუმელი 180 გრადუსზე. კექსის ფორმას (25 სმ) მთელ ზედაპირზე კარაქი წაუსვით და ფქვილი მოაყარეთ.
- კარაქი, შაქარი და ვანილი მიქსერით საშუალოზე მაღალ სიჩქარეზე, თეთრი ფერის კრემისებური მასის მიღებამდე ათქვიფეთ. შემდეგ სათითაოდ შეათქვიფეთ კვერცხები.
- მიქსერი დაბალ სიჩქარეზე გადაიყვანეთ და თანდათან შეურიეთ ფქვილი და არაჟანი. ცომი გამზადებულ ფორმაში კოვზით გადაიტანეთ.
- აცხვეთ 40-50 წუთი. შეამოწმეთ: ხის ჩხირი ცენტრში ჩაარჭვეთ და თუ არაფერი ამოჰყვა, ბისკვიტი მზად არის. ფორმაში 5 წუთი დატოვეთ, შემდეგ ლითონის ცხაურზე გადააბრუნეთ და ბოლომდე გააცივეთ.
- მინანქარი: ყავას 2 ს.კ. ადუღებული წყალი დაასხით, ურიეთ გახსნამდე. ჯამში შაქრის პუდრი ჩაყარეთ, კარაქი და გახსნილი ყავა დაუმატეთ. საჭიროებისამებრ დაუმატეთ წყალი. გაითვალისწინეთ, მინანქარი სქელი უნდა იყოს.
- ნამცხვარს სიროფი მოასხით და სულ მცირე, 30 წუთი გააჩერეთ. დაჭერით და სუფრაზე მიიტანეთ.
