წვნიანი და მადის აღმძვრელი კერძი გემრიელი შიგთავსით. რეცეპტი შეინახეთ!
ინგრედიენტები:
- 2 ბულგარული წიწაკა
- 150-200 გრ მოხარშულ-შებოლილი მკერდის ძვალი (შეგიძლიათ ძეხვით ჩაანაცვლოთ)
- 2 საშუალო ზომის კარტოფილი
- 1 პომიდორი
- 200 გრ ხმელი ყველი
- 1 კვერცხი
- 150 ,მლ 10%-იანი ნაღები
- მარილი, წიწაკა, ნებისმიერი სანელებელი გემოვნებით
- 1 კონა მწვანე ხახვის ღერო
- მცენარეული ზეთი ფორმაზე წასასმელად
მომზადების მეთოდი:
- კარტოფილი კარგად გარეცხეთ, მოხარშეთ, გააგრილეთ, გაასუფთავეთ და მსხვილ სახეხზე გახეხეთ.
- ყველის ნაწილი გადადეთ, ის მოსართავად დაგჭირდებათ.
- ნაღები და კვერცხი ათქვიფეთ, მარილი, წიწაკა და საყვარელი სანელებლები გემოვნებით დაუმატეთ.
- მწვანე ხახვი გარეცხეთ, გააშრეთ და წვრილად დაჭერით.
- სასალათეში გახეხილი კარტოფილი, მოხარშულ-შებოლილი მკერდის ხორცი, ყველი, დაქუცმაცებული მწვანე ხახვი აურიეთ.
- ათქვეფილი კვერცხი ნაღებთან ერთად დაუმატეთ. კარგად აურიეთ. ბულგარული წიწაკა კარგად გარეცხეთ, შუაზე გაჭერით, თესლები და ტიხრები მოაშორეთ.
- პომიდორი გარეცხეთ და რგოლებად დაჭერით. ბულგარული წიწაკის ნახევარი ნაწილი მზა შიგთავსით კარგად ამოავსეთ. ზემოდან პომიდორის ნაჭერი დაადეთ.
- ცეცხლგამძლე ფორმას ცოტა მცენარეული ზეთი წაუსვით. 2-3 ს/კ წყალი დაუმატეთ.
- ფარშირებული ბულგარული წიწაკა ფორმაზე დააწყვეთ და ზემოდან ყველი მოაყარეთ. 180 გრადუსამდე გახურებულ ღუმელში 30-35 წუთით აცხვეთ.
- ღუმელში გამომცხვარ, მზა ფარშირებულ ბულგარულ წიწაკას სუფრაზე გატანის წინ შეგიძლიათ წვრილად დაჭრილი კამა დაუმატოთ.
