ბევრს ეჭვიც არ ეპარება, რომ სახლის სამზარეულო უფრო ხარისხიანია, ვიდრე კაფეებსა და რესტორნებში მომზადებული კერძები. ყველაფერი იმიტომ, რომ სახლში კერძი სულით და ყურადღებით მზადდება. როგორ დავამარილოთ სალა მარილწყალში ისე, რომ პირში მდნობი გახდეს? მაღაზიაში ასეთს ნამდვილად ვერ იპოვით.
ჩვენ ყველაფერი შეგვიძლია. ხელები აიკაპიწეთ და საქმეს თამამად შეუდექით (რეცეპტი დაიცავით). საუკეთესო ინგრედიენტები დაგჭირდებათ. ჯანმრთელობაზე დაზოგვა არ ღირს. კარგია, რომ ჩვენი სალასთვის უცხო მარილწყალი არ გვჭირდება. ყველაფერი ნაცნობი და მშობლიურია. Gastronomia.ge-ს რედაქცია გასწავლით, რა უნდა გააკეთოთ სალას დასამარილებლად.
ინგრედიენტები:
- სალა
- 1 ლ წყალი
- 1 ჭიქა მარილი
- 3 დაფნის ფოთოლი
- 4 წიწაკის მარცვალი
- ხახვი
- 4 კბილი ნიორი
- დაფქული შავი წიწაკა
მომზადების წესი:
1. სალას საჭირო ნაჭრები შეარჩიეთ და ნაჭრებად დაჭერით. დაქუცმაცება საჭირო არაა, მაგრამ რაც უფრო მეტი კონტაქტი ექნება სალას მარილწყალთან, მით უფრო გაჯერებულ და მდიდარ გემოს მიიღებთ. მზა სალა ქვაბში ჩადეთ. ახლა მარილწყალი მოამზადეთ.
2. 1 ლ სუფთა წყალში 1 ჭიქა მარილი გახსენით. დაფნის ფოთოლი, წიწაკის მარცვლები და 1 ხახვი დაუმატეთ. წინასწარ ხახვი გათალეთ, მაგრამ არ დაჭრათ.
3. ნარევი სუსტ ცეცხლზე აადუღეთ. რამდენიმე წუთით ადუღეთ, შემდეგ მარილწყალი სალას დაასხით. ცხელი უნდა იყოს. ასე წყალი ყველა დანამატის გემოს ათვისებას შეძლებს. ხოლო ხახვი ზედმეტ სიმწარეს არ მიანიჭებს. ზუსტად საჭირო დონეზე იქნება.
4. სამლიტრიანი ქილა სიმძიმისთვის წყლით გაავსეთ და სალა პრესის ქვეშ 4 დღე გააჩერეთ. სითბოში გააჩერეთ. ვადის გასვლის შემდეგ წასახემსებელი ამოიღეთ და გახეხილი ნიორი და არომატული წიწაკა წაუსვით. საყინულეში შეინახეთ და შესანიშნავი გემოთი დატკბით.
სალა ნატურალური ცხიმების შესანიშნავი წყაროა. ორგანიზმს ზედმეტ ცხიმებთან ბრძოლაში ეხმარება. დიახ, ასეა, როგორი პარადოქსულიც არ უნდა იყოს. ცოტა სალა რამდენიმე დღეში ერთელ თქვენს გარეგნობაზე დადებითად აისახება. ოღონდ პურთან ერთად ბევრის ჭამა არ მოგივიდეთ.
სალას დასამარილებლად მხოლოდ მინის ჭურჭლის გამოყენებას გირჩევთ. არანაირი პლასტმასი! ნატურალური მასალა ასეთ საოცარ კერძს არ დააზიანებს. სხვათა შორის, გრილ ადგილასაც კარგად ინახება. მარილი და ცხიმი კონსერვანტებია, ამიტომ სალა დიდხანს არ გაფუჭდება.
