ჩვენ ყველას გვსურს, რომ მაქსიმალურად ვასიამოვნოთ საყვარელ ადამიანებს, განსაკუთრებით კი ბავშვებს, გემრიელი და არომატული ტკბილეულით. სამწუხაროდ, საკონდიტრო მაღაზიებში მათი ყიდვა ყოველთვის ვარიანტი არ არის, თანაც, ასეთი დესერტი გარეგნულად ბევრად უფრო მიმზიდველია, ვიდრე გემოთი, ასევე, ის არ არის უსაფრთხო. ამიტომ, ნამდვილ დიასახლისებს ურჩევნიათ ტკბილეული სახლში მოამზადოთ.
საშინაო ტორტი “გმირი” ძალიან მარტივი, მაგრამ მადისაღმძვრელი და გემრიელი დესერტია, იგი ნებისმიერი სადღესასწაულო სუფრის მთავარი დეტალიც კი გახდება, თუ მას დიასახლისი ლამაზად გააფორმებს. ამ ტორტში ყველაფერია, რაც ბავშვებს უყვართ. იგი ერთ-ერთია იმ ნოსტალგიური სასიამოვნო დესერტებიდან, რომლებიც შედედებული რძით მზადდება და ყველა თაობის წარმომადგენელს უყვარს.
ინგრედიენტები
- 2 ჭიქა ხორბლის ფქვილი
- 1,5 ჭიქა შაქარი
- 200 გრ არაჟანი
- 1 ჭიქა ქიშმიში
- 2 ს.კ. კაკაოს ფხვნილი
- 4 ც კვერცხი
- 400 გრ კარაქი
- 1 ჭიქა ბერძნული კაკალი
- 1 ჩ.კ. სოდა
- 350 გრ მოხარშული შედედებული რძე
მომზადების წესი
1. კვერცხი და შაქარი მიქსერით კარგად ათქვიფეთ. შემდეგ დაუმატეთ 200 გრ არაჟანი და დარბილებული კარაქი და ნაზავი კვლავ ათქვიფეთ. ბოლოს დაუმატეთ ფქვილისა და სოდის მშრალი ნაზავი და გაიმეორეთ მოქმედება.
2. მიღებული ცომი გაყავით 3 ნაწილად: ერთს დაუმატეთ ბერძნული კაკალი, მეორეს – ქიშმიში, მესამეს კი – კაკაოს ფხვნილი. თითოეულს კარგად მოურიეთ. გამოაცხვეთ ფენები მრგვალ საცხობ ფორმაში 40-45 წუთით 180 გრადუსზე გაცხელებულ ღუმელში.
3. ამ დროის განმავლობაში ათქვიფეთ მოხარშული შედედებული რძე დარჩენილ კარაქთან ერთად. გაადნეთ მუქი შოკოლადი წყლის ორთქლზე. გამომცხვარ ფენებს წაუსვით კრემი და გააკეთეთ ტორტი.
4. დესერტს კრემი გვერდებზეც წაუსვით და გააფორმეთ ისინი დაფქული კაკლით. საკონდიტრო ტომარის ან ჩვეულებრივი პოლიეთილენის ცელოფნით ზემოდან გააფორმეთ ტორტი.
დესერტი ასევე შეგიძლიათ გააფოროთ ჩირით, საყვარელი კონფეტებით ან ჟელეებით. გემრიელად მიირთვით!
