მოხუცმა იტალიელმა ქალმა გუშინდელი პურით დახვეწილი კერძის მომზადება მასწავლა

113

იტალიაში მოგზაურობისას ერთი მოხუცი იტალიელი ქალის ოჯახში აღმოვჩნდი, რომელმაც ძალიან ბევრი რამ მასწავლა. მაგალითად, რა შეიძლება გაკეთდეს გუშინდელი პურიდან. საკმაოდ საინტერესო და ძალიან იტალიური გემოს კერძი გამოდის.

ინგრედიენტები:

  • 400 გ გუშინდელი პური
  • 2 კბილი ნიორი
  • 1 ს/კ კაპარი
  • 1 ნიახურის ძირი
  • 4 კვერცხი
  • 100 გ ხმელი ყველი
  • მარილი, წიწაკა და სანელებლები გემოვნებით
  • ზეთი შესაწვავად
  • პომიდვრის სოუსი მოსართავად

მომზადების წესი:

1. პური ნაჭრებად დაჭერით და წყალი დაასხით. 5 წუთით გააჩერეთ. წყლის ნაცვლად რძე შეგიძლიათ გამოიყენოთ.

2. კაპარი, ნიახური და ნიორი დააქუცმაცეთ. რა თქმა უნდა, კაპარი არც თუ ისე ჩვეული პროდუქტია. შეგიძლიათ კერძში არ გამოიყენოთ. სხვა ბოსტნეულით ექსპერიმენტები შეგიძლიათ ჩაატაროთ.

3. პური კარგად გაწურეთ. დაჭრილი ბოსტნეული, კვერცხი და სანელებლები დაუმატეთ. ყველი გახეხეთ და დანარჩენ ინგრედიენტებს დაუმატეთ. ფარში კატლეტივით მოზილეთ.

4. პატარა კატლეტები გააკეთეთ და ტაფაზე ოქროსფერ შეფერილობამდე 3 წუთით შეწვით. ასევე შეგიძლიათ გამოაცხოთ, რომ ზედმეტ ცხიმს თავი აარიდოთ.

5. პომიდვრის სოუსი გააცხელეთ და კატლეტებს მოასხით. სუფრაზე გატანის წინ კატლეტები ამ სოუსში რამდენიმე წუთით მოშუშეთ. შემდეგ ახალი მწვანილი დაუმატეთ და მაგიდაზე გაიტანეთ.

აი, რა შეგიძლიათ მოამზადოთ გუშინდელი პურისგან. ეს უჩვეულო პურის კატლეტები ძალიან გემრიელია. მომწონს, რომ ხრაშუნა და ძალიან არომატული გამოდის. საზაფხულო სალათი იდეალურად ავსებს. ერთად ნოყიერი სადილი ან ვახშამი გამოდის. ასეთი კერძი ბავშვებსაც ძალიან უყვართ. რაც მთავარია, პური ტყუილად არ დაიკარგება.