ლოქოს როგორც დასავლეთ, ისე აღმოსავლეთ საქართველოში სხვადასხვაგვარად ამზადებენ. განსაკუთრებით პოპულარულია პატარა ლოქო, რომელსაც სხვადასხვა დიალექტზე “ღლავს” ეძახიან და განსაკუთრებულად გემრიელ თევზად მიიჩნევენ.
ლოქო ქინძმარში
ინგრედიენტები:
- ლოქოს ფილე – 220 გ
- ქინძი – 50 გ
- ძმარი – 50 მლ
- ნიორი – 1- 2 კბილი
- დაღერღილი წიწაკა და მარილი გემოვნებით
მარინადისთვის:
- დაფნა – 2 გ
- ბაჰარი – 10 გ
- წყალი – 2 ლ
- მარილი – 50 გ
მომზადების წესი:
- მოამზადეთ მარინადი. წყალში ჩაყარეთ ბაჰარი, დაფნა და მარილი. როდესაც წყალი ადუღდება, ჩადეთ ლოქოს ფილე და ადუღეთ 5-7 წუთი. ამოიღეთ ლოქო საწურზე, ცალკე გადაწურეთ ნახარში და შეინახეთ.
- პარალელურად დაჭერით ქინძი, დაამატეთ ნიორი და დაღერღილი წიწაკა. გახსენით ეს მასა 1 ლიტრ თევზის ნახარშში, დაამატეთ ძმარი და დაასხით ლოქოს. სურვილის შემთხვევაში, დაამატეთ მარილი გემოვნებით. მზა კერძი შედგით მაცივარში და კარგად გაცივების შემდეგ მიირთვით.
