ზოგჯერ შემწვარი კერძებით თავის განებივრება თითქმის ყველას უყვარს. შემდეგში ხორციანი ჩებურეკი რატომ არ უნდა მოამზადოთ? გთავაზობთ რეცეპტს სახელწოდებით „გრადუსში“.
ამ რეცეპტით წარმოუდგენლად გემრიელ კერძს მიიღებთ. ხრაშუნა ქერქის საიდუმლო კომპონენტი 1 სუფრის კოვზი არაყია. ასეთი ჩებურეკი სუფრიდან წამებში გაქრება.
ხრაშუნა ჩებურეკები
ინგრედიენტები:
- 4 ჭიქა ფქვილი
- 320 მლ წყალი
- 1 ს/კ არაყი
- 1 კვერცხი
- 2 ს.კ მცენარეული ზეთი
- 0,5 ჩ/კ მარილი
- 700-900 გრ ფარში
- 2 ხახვი
- შავი დაფქული წიწაკა
მომზადება:
- წყალი მარილთან და კარაქთან ერთად აადუღეთ. მდუღარე წყალს ნახევარი ჭიქა ფქვილი დაუმატეთ და ჩანგლით კარგად აურიეთ. გაგრილება აცადეთ.
- კვერცხი და არაყი დაუმატეთ. აურიეთ, დარჩენილი ფქვილი ნელ-ნელა დაუმატეთ. ცომი მოზილეთ. თუ ხელებზე გეკვრებათ, ცოტა ფქვილი დაუმატეთ. 30 წუთით გააჩერეთ.
- შემდეგ ჩაზილეთ და კვლავ ნახევარი საათით გააჩერეთ. თუ დრო გაქვთ, ცომი წინასწარ მოზილეთ, საკვებ ცელოფანში გაახვიეთ და 1 დღე მაცივარში შეინახეთ.
- ფარში მოამზადეთ. გასუფთავებული ხახვი ხორცსაკეპ მანქანაში გაატარეთ. ფარში, მარილი და წიწაკა დაუმატეთ, აურიეთ.
- ჩოგბურთის ბურთის ზომის ცომის ნაჭერი აიღეთ, კვერის ფორმა მიეცით. კვერის ნახევარში ფარში მოათავსეთ, თანაბრად გადანააწილეთ, ზემოდან კვერის მეორე ნახევარი დააფარეთ. კუთხეები შეკარით, ჰაერი გამოდევნეთ.
- ჩებურეკი ფრის საწვავ აპარატში ან ტაფაზე შეწვით. ტაფაზე შეწვის მეთოდი: სქელძირიან ტაფაზე მცენარეული ზეთი დაასხით და გაახურეთ. შემდეგ 2 ჩებურეკი ტაფაზე დადეთ და ორივე მხრიდან ოქროსფერ შეფერილობამდე შეწვით.
- მზა ჩებურეკები ქაღალდის პირსახოცზე დააწყვეთ. სუფრაზე ცხელი ჩებურეკები გაიტანეთ.
ჩებურეკი „გრადუსში“ შესანიშნავი რეცეპტი მეგობრებს სოციალურ ქსელში აუცილებლად გაუზიარეთ.
