ქათმის ღვიძლი ძალიან სასარგებლო პროდუქტია. მისგან არაერთი გემრიელი კერძი მზადდება. დღეს ქათმის ღვიძლს არაჟნის სოუსით მოვამზადებთ.
ინგრედიენტები:
- 500 გრ ქათმის ღვიძლი
- 1 ცალი კვერცხი
- 2 თავი ხახვი
- 200 მლ არაჟანი
- 1 ჩ.კ. კარის ფხვნილი
- 1 კუბიკი ბულიონი
- 3 ს.კ. ზეითუნის ზეთი
- 2 ს.კ. ფქვილი
მომზადების წესი:
- გარეცხილი ქათმის ღვიძლი დავჭრათ შუაზე, გადავიტანოთ თასში, დავასხათ ერთი კვერცხი, დავუმატოთ ფქვილი, ბულიონის კუბიკი და კარგად მოვურით. ტაფაზე დავასხათ 2 ს.კ. ზეთი, დავაწყოთ მომზადებული ქათმის ღვიძლი და შევწვათ მაღალ ცეცხლზე ორივე მხრიდან 3-4 წუთის განმავლობაში. ცალკე ტაფაზე დარჩენილ ზეითუნის ზეთში შევწვათ საშუალო ზომის კუბიკებად დაჭრილი ხახვი და შევურიოთ შემწვარ ღვიძლს. შემდეგ დავუმატოთ არაჟანი, კარი, ყველაფერი კარგად ავურიოთ, შევდგათ დაბალ ცეცხლზე და მოვშუშოთ 20-25 წუთის განმავლობაში.
- მომზადებული ღვიძლი მაგიდასთან შეიძლება მივიტანოთ მაკარონთან, ბრინჯთან ან კარტოფილის პიურესთან.
აუცილებლად სცადეთ ღვიძლის ამ რეცეპტით მომზადება და გაგვიზიარეთ თქვენი შთაბეჭდილებები კომენტარებში!
გემრიელად მიირთვით!
