პასიფლორას ეგზოტიკური გემო აქვს, ამიტომაც ეს ნამცხვარი ნებისმიერი წვეულების განსაკუთრებული ნუგბარია. ასევე შესანიშნავია როგორც საუზმე და დესერტი. მაშ ასე, შემოუერთდით ჩვენს რედაქციას და ერთად მოვამზადოთ პასიფლორას ნამცხვარი.
ინგრედიენტები:
ბისკვიტისთვის:
- 125 გრამი (3/4) თეთრი ფქვილი
- 30 გრამი (1/4 ჩაის კოვზი) სიმინდის სახამებელი კრემის გასასქელებლად
- 1/2 ჩაის კოვზი გამაფხვიერებელი
- 4 კვერცხი
- 150 გრამი (2/3 ჭიქა) რაფინირებული შაქარი
- 1 ჩაის კოვზი ლიმონის ცედრა, წვრილად გახეხილი
- 1 ჩაის კოვზი უმარილი კარაქი, გამდნარი და გაციებული
გულსართისთვის:
- 180 მლ (3/4 ჭიქა) ნაღები
- ცხიმიანი (ორმაგი) 1 სუფრის კოვზი შაქრის პუდრი
მინანქრისთვის:
- 150 გრამი (1 ჭიქა) შაქრის პუდრი
- 120 გრამი (1/2 ჭიქა) უმარილო კარაქი, დარბილებული
- 3 დიდი პასიფლორა ორად გაჭრილი, რბილობი
მომზადების წესი:
- ბისკვიტი: ღუმელი წინასწარ გაახურეთ 280 გრადუს ცელსიუსზე. ნამცხვრის მრგვალ ფორმას (20 სმ), რომელსაც გვერდი ეხსნება, კარაქი წაუსვით და მთელ ზედაპირზე პერგამენტის ქაღალდი დაუფინეთ.
- თეთრი ფქვილი, სიმინდის სახამებელი და გამაფხვიერებელი მომცრო ჯამში ჩაყარეთ.
- კვერცხები, შაქარი და ლიმონის ცედრა მიქსერით საშუალო სიჩქარეზე ათქვიფეთ ისე, რომ მიიღოთ სქელი კრემისებური მასა, რომელიც სამჯერ მოიმატებს მოცულობაში. დაუმატეთ ვანილი და კვლავ ათქვიფეთ.
- ფრთხილად შეურიეთ ფქვილი, ორ-ორი კვერცხი და დაუმატეთ გამდნარი კარაქი. მომზადებულ ფორმაში ცომი კოვზით გადაიტანეთ.
- აცხვეთ 25-30 წუთი. ღიაოქროსფერი უნდა გადაეკრას და ფაფუკი გახდეს. 5 წუთი ფორმაში დატოვეთ, როცა გაგრილდება, ცხაურზე გადააბრუნეთ და ბოლომდე გააცივეთ. დაკბილული დანით ნამცხვარი ორ ჰორიზონტალურ ნაწილად გაჭერით.
- გულსართი: კრემი და შაქრის პუდრი ათქვიფეთ ისე, რომ გასქელდეს. ნამცხვრის ერთი ფენა ლანგარზე გადაიტანეთ და კრემი წაუსვით, მეორე ფენა დაადეთ.
- მინანქარი: შაქრის პუდრი და კარაქი მიქსერით საშუალო სიჩქარეზე ათქვიფეთ ერთგვაროვანი, კრემისებური კონსისტენციის მიღებამდე. დაუმატეთ პასიფლორას რბილობი.
- ბისკვიტს წაუსვით მინანქარი და მცირეოდენი რაფინირებული შაქარი მოაყარეთ. დაჭერით და სუფრაზე მიიტანეთ.
