ვის არ უყვარს გემრიელი ტორტები? რბილი, ნაზი, ფაფუკი – ეს იდესლური ბისკვიტის მახასიათებლებია.
ბისკვიტზეა დამოკიდებული ტორტის გემო და სტრუქტურა.
ერთი შეხედვით ბისკვიტის მომზადება მარტივია, მაგრამ აუცილებლად უნდა გაითვალისწინოთ რამდენიმე ნიუანსი.
იდეალური ბისკვიტს მომზადება
- აუცილებელია ინგრედიენტების ზუსტი რაოდენობით გამოყენება. მაგალითად: 6 კვერცხი, 1 ჭიქა შაქარი, 1 ჭიქა ფქვილი, მწიკვი სოდა და 0,5 ჩაის კოვზი გამაფხვიერებელი.
- კვერცხის ათქვეფამდე ის მოათავსეთ 10-15 წუთი საყინულეში.
- კვერცხი ათქვიფეთ ღრმა ჯამში მიქსერის სწრაფი სიჩქარით.
- როცა კვერცხის მასა ძალიან კარგად ამოფუვდება, ნელ-ნელა დაუმატეთ შაქარი.
- გამორთეთ მიქსერით და დაუმატეთ გაცრილი ფქვილი, მოურიეთ კოვზით, დაუმატეთ სოდა ან გამაფხვიერებელი. კონდიტერები გირჩევენ სოდის გამოყენების შემთხვევაში აუცილებლა გავააქტიუროთ ლიმონის წვენით ან ძმრით, მაგრამ ეს ორი ინგრედიენტი ცალ-ცალკე უნდა დავუმატოთ ცომს.
- გამოსაცხობი ფორმა ამოფინეთ ქაღალდით. მოათავსეთ 180 გრადუსზე გახურებულ ღუმელში. გამოაცხვეთ 45 წუთი, აკონტროლეთ ცხობის პროცესი.
- ცხობისას არ გამოაღოთ ღუმელის კარი.
- ფორმაშივე გააგრილეთ ბისკვიტი და შემდეგ გადმოიტანეთ.
ამ რეცეპტის მეშვეობით ყოველთვის საუკეთესო ბიკვიტი გამომდის.
გემრიელად მიირთვით!
