ეს ულამაზესი ტორტი მარტივი მოსამზადებელია და ძალიან მოეწონებათ თქვენს სტუმრებს. მიირთვით 1 ჭიქა ცივ მშრალ შამპანურთან ან სხვა შუშხუნა ღვინოსთან ერთად.
ინგრედიენტები:
ბეზე
- 6 კვერცხის ცილა
- 350 გ შაქარი
- 2 ჭიქა ქოქოსი (დანაკუწებული და ოდნავ მოხალული)
- 30 გ ქოქოსის ფანტელები (ოდნავ მოხალული, გასაფორმებლად)
- 100 გ ახალი ჟოლო (გასაფორმებლად)
ჟოლოს კრემი
- 2 ჭიქა (500 მლ) ნაღები
- 4 ს/კ შაქრის პუდრი
- 1 ს/კ ალუბლის ბრენდი
- 1/2 ჩ/კ დაფქული დარიჩინი
- 100 გ თეთრი შოკოლადი (გამდნარი და გაცივებული)
- 250 გ ახალი ჟოლო (დაჭრილი)
ულუფა: 6-8
მომზადება: 45 წუთი + 1 საათი გასაცივებლად
ცხობა: 1 საათი
მომზადების წესი:
- ბეზე. ღუმელი 140 გრადუსზე გაახურეთ. პერგამენტის ქაღალდისგან ოთხი 23 სმ დიამეტრის დისკო გამოჭერით.
- კვერცხის ცილა ათქვიფეთ გამკვრივებამდე. თანდათან დაამატეთ შაქარი და თქვიფეთ, სანამ პრიალა, ერთგვაროვანი მასა არ გახდება. ფრთხილად შეურიეთ ქოქოსი.
- ბეზე პერგამენტის ქაღალდზე (23 სმ) გადაიტანეთ და კარგად მოასწორეთ.
- აცხვეთ 1 საათის განმავლობაში. შემდეგ გაზქურა გამორთეთ, ბეზე კიდევ 1 საათით დატოვეთ ღუმელში, ოღონდ კარი ღია დაუტოვეთ. გადმოიტანეთ ცხაურზე.
- ჟოლოს კრემი. ნაღები და შაქარი ათქვიფეთ გასქელებამდე. ფრთხილად დაამატეთ ალუბლის ბრენდი, დარიჩინი, გამდნარი შოკოლადი და დაჭრილი ჟოლო.
- ტორტი ასაწყობად ბეზეს ფირფიტის ყოველ ფენას კრემი წაუსვით. ფრთხილად დაალაგეთ ერთმანეთზე. მაღალი ტორტი უნდა გამოვიდეს.
- ტორტი ჟოლოთი და ქოქოსის ფანტელებით გააფორმეთ.
- მირთმევამდე კარგად გააგრილეთ.
გემრიელად მიირთვით! გაუზიარეთ რეცეპტი მეგობრებს.
