ნამცხვარ “ვულკანის” ერთხელ დაგემოვნების შემდეგ მისი დიდი თაყვანისმცემელი გახდებით. მისი გემოს მთავარი საიდუმლო გახლავთ მოხარშლი კრემი, რითიც ის ღუმელში ცხვება ბისკვიტთან ერთად. ამ გემრიელობის მოსამზადებლად სულ რაღაც 1 საათი დაგჭირდებათ.
მოუწყვეთ თქვენს სტუმრებს ვნებების ნამდვილი “ვულკანი”, ასეთი დესერტი ნებისმიერ სადღესასწაულო სუფრას დაამშვენებს და გულგრილს არავის დატოვებს.
ინგრედიენტები
- 700 მლ რძე
- 300-350 გრ ფქვილი
- 50 გრ კარაქი
- 5 კვერცხი
- 220 გრ შაქარი
- 60 გრ სიმინდის სახამებელი
- 75 მლ ზეთი
- 10 გრ გამაფხვიერებელი
- 15 გრ ვანილი
- 1 მწიკვი მარილი
მომზადება
- ქვაბში ჩაახალეთ 1 კვერცხი, დაუმატეთ შაქარი, ვანილი და მოურიეთ. შემდეგ დაასხით თბილი რძე, დაუმატეთ სახამებელი და კარგად მოურიეთ.
- დადგით ნელ ცეცხლზე, მუდმივად ურიეთ, სანამ მასა არ შესქელდება. შემდეგ გადმოდგით, დაუმატეთ კარაქი, ათქვიფეთ და დააფარეთ თავსახური.
- მოამზადეთ ცომი. ათქვიფეთ 4 კვერცხი, დაუმატეთ 120 გრ შაქარი, ვანილი და მწიკვი მარილი. დაუმატეთ 150 მლ ცივი რძე, ზეთი, კარგად მოურიეთ. ნელ-ნელა დაუმატეთ გაცრილი ფქვილი და გამაფხვიერებელი და მოზილეთ თხელი ცომი.
- საცხობ ფორმაზე დააფინეთ პერგამენტი, დაასხით ცომი, ზემოდან კი კრემი.
- შედგით 180 გრადუსამდე გახურებულ ღუმელში 45 წუთით. შემდეგ გააცივეთ ოთახის ტემპერატურის პირობებში.
- მორთეთ ნამცხვარი მდნარი შავი ან თეთრი შოკოლადით, მოაყარეთ შოკოლადის ნაფხვენები ან ცუკატები.
შოკოლადის “ვულკანის” მოსამზადებლად, ცომს დაუმატეთ 2 ს.კ. კაკაო. მცირე ვარიაცია მას სულ სხვა ნამცხვრად აქცევს. მოამზადეთ სიამოვნებით და გაუზიარეთ რეცეპტი მეგობრებს!
